நோபல் பரிசுக்கு குறி?

பாகிஸ்தான் ராணுவ தளபதி ஒருவருக்கு அமெரிக்க அதிபர் விருந்து வைப்பது இதுவே முதல் முறை. இதற்கு முன், பாகிஸ்தான் ராணுவ தளபதிகளாக இருந்த அயூப் கான், ஜியா உல் ஹக், பர்வேஸ் முஷாரப் ஆகியோருக்கு அமெரிக்க அதிபர்கள் விருந்து கொடுத்துள்ளனர். ஆனால், அவர்கள் பாகிஸ்தான் அதிபர்களாக இருந்தபோது, விருந்து வழங்கப்பட்டுள்ளது.ஆசிப் முனிருக்கு டிரம்ப் விருந்து அளித்ததற்கு, மற்றொரு காரணமும் கூறப்படுகிறது. அதை, ஆசிப் முனிரே குறிப்பிட்டுள்ளார். 'இந்தியா - பாகிஸ்தான் இடையேயான போரை முடிவுக்கு கொண்டு வந்ததால், டிரம்புக்கு அமைதிக்கான நோபல் பரிசு கொடுக்க வேண்டும்' என, அவர் கூறியுள்ளார்.அரசுமுறை பயணமாக, ஆசிப் முனிர் அமெரிக்காவில் இருந்துள்ளார். இந்நிலையில், வட அமெரிக்க நாடான கனடாவில் இருந்த பிரதமர் நரேந்திர மோடியுடன் டிரம்ப் தொலைபேசியில் பேசினார். அப்போது, வாஷிங்டனுக்கு வரும்படி அழைப்பு விடுத்தார்.ஒரே நேரத்தில் மோடி மற்றும் ஆசிப் முனிருடன் இணைந்து சந்திக்க டிரம்ப் திட்டமிட்டிருந்தார். இதன் வாயிலாக இரு நாட்டுக்கும் இடையே அமைதி ஏற்படுத்த முயன்றதற்காக, அமைதிக்கான நோபல் பரிசு கிடைக்கும் வாய்ப்பை ஏற்படுத்திக் கொள்ள அவர் திட்டமிட்டிருந்ததாக கூறப்படுகிறது.

அமெரிக்க அதிபர்களாக இருந்த தியோடர் ரூஸ்வெல்ட் - 1906; வூட்ரோ வில்சன் - 1919; ஜிம்மி கார்டர் - 2002; பராக் ஒபாமா - 2009ல் அமைதிக்கான நோபல் பரிசு வென்றுள்ளனர். துணை அதிபராக இருந்த அல் கோர் - 2007ல் பரிசு பெற்றார்.

போரை நான் நிறுத்தவில்லை

முதல் முறையாக ஒப்புதல்பஹல்காம் பயங்கரவாத தாக்குதலைத் தொடர்ந்து, மே 7ம் தேதி, 'ஆப்பரேஷன் சிந்துார்' என்ற பெயரில் பாகிஸ்தானில் உள்ள பயங்கரவாத முகாம்களை நம் படைகள் தாக்கி அழித்தன. இதையடுத்து, இந்தியா-பாகிஸ்தான் படைகள் இடையே மோதல் ஏற்பட்டது. நான்கு நாட்கள் நீடித்த நிலையில், 10ம் தேதி மோதலை நிறுத்திக்கொள்ள இருதரப்பும் முன்வந்தன.ஆனால், அமெரிக்க அதிபர் டொனால்டு டிரம்ப் முதலில் இதை அறிவித்தார். தன் முயற்சியால்தான், போர் நிறுத்தம் ஏற்பட்டதாக கூறினார்.இதை, மத்திய அரசு தொடர்ந்து மறுத்து வருகிறது. நேற்று முன்தினம், தன்னுடன் தொலைபேசியில் பேசிய டிரம்பிடமும் இதை பிரதமர் மோடி குறிப்பிட்டார்.ஆனால், தன்னால் தான் போர் நின்றதாக, 15 முறை டிரம்ப் கூறியுள்ளார். நேற்று காலையிலும் இதை கூறியிருந்தார்.இந்நிலையில், நேற்று அளித்த பேட்டியில், டிரம்ப் கூறியுள்ளதாவது:பிரதமர் மோடி இங்கு வருவதாக இருந்தது. அவருடன் பேசினேன்; ஆசிப் முனிருடனும் பேசினேன். இரண்டு மிகச்சிறந்த தலைவர்கள் மற்றும் அவர்களுடைய சிறந்த அதிகாரிகள், நல்ல ஒரு முடிவை எடுத்தனர்.இல்லாவிட்டால், அணு ஆயுதப்போர் நடந்திருக்கும். அதை தவிர்க்கும் வகையில், மோதலை நிறுத்த இரு தலைவர்களும் முடிவு எடுத்துள்ளனர்.இவ்வாறு அவர் கூறினார்.இருநாட்டுத் தலைவர்களே போரை நிறுத்த முடிவு செய்துள்ளதை, டிரம்ப் முதல் முறையாக ஒப்புக்கொண்டுள்ளார்.