மேற்கு ஆசிய நாடான இஸ்ரேலுக்கும், பாலஸ்தீனத்தின் ஹமாஸ் அமைப்புக்கு இடையே கடந்த ஓராண்டுக்கும் மேலாக போர் நடந்து வருகிறது. ஹமாஸ் அமைப்புக்கு ஆதரவாக லெபனான், சிரியா உள்ளிட்ட நாடுகளில் செயல்படும் பயங்கரவாத அமைப்புகள் இஸ்ரேல் மீது தாக்குதல் நடத்தி வருகின்றன. இதனால், இந்த நாடுகளில் அந்த அமைப்பினரை குறிவைத்து இஸ்ரேல் பதில் தாக்குதல் நடத்தி வருகிறது.

இந்நிலையில், சிரியாவின் தலைநகர் டமாஸ்கசின் புறநகர் பகுதியில் இரண்டு இடங்களில் இஸ்ரேல் விமானப்படை விமானங்கள் தாக்குதல் நடத்தின. இத்தாக்குதலில் 15 பேர் கொல்லப்பட்டனர். 16 பேர் காயமடைந்தனர். பாலஸ்தீனத்திற்கு ஆதரவாக செயல்படும் ஜிகாதி அமைப்புகளை குறி வைத்து தாக்குதல் நடத்தியதாக இஸ்ரேல் கூறியுள்ளது.