இதை மறைமுகமாக மேற்கோள் காட்டி, பாக்., வெளியுறவு அமைச்சர் பிலவால் புட்டோ சர்தாரி பேசுகையில், ''சிந்து எங்கள் நதி. அது எப்போதும் போல் ஓடும். நதியின் ஓட்டத்தை நிறுத்த முடியாது. ஒரு வேளை தண்ணீரை நிறுத்தினால், இந்தியர்களின் ரத்தம் ஓடும்,'' என, கொக்கரித்துள்ளார்.

வெளியுறவு அமைச்சர் என்பவர் இரு நாட்டு உறவுகளை பேணி பாதுகாக்க வேண்டியவர். ஆனால், இவரோ பதவியேற்ற நாளில் இருந்து இந்தியாவுக்கு எதிராக வன்முறை பேச்சுக்களையே பேசி வருகிறார். இவரது தாய் பெனசிர், தாத்தா சுல்பிகர் அலி புட்டோ எல்லாம் இந்தியாவுடன் ஓரளவேனும் நல்லுறவை கொண்டிருந்தனர். சிக்கலான தருணத்தில் இந்தியாவின் உதவியை, ஆதரவை பெற்றிருந்தனர்.

பிலவால் பேச்சுக்கு இந்தியா தரப்பில் பா.ஜ., மூத்த தலைவர் பரத் கோஷ், ''பாகிஸ்தானில் ஏற்கனவே ரத்த ஆறு தான் ஓடிக்கொண்டிருக்கிறது. ஒரு பக்கம் அல்-கொய்தாவும் மறுபக்கம் ஆப்கன் தலிபான்களும் பாகிஸ்தானுக்கு மரண அடி கொடுத்து வருகின்றனர். நாங்களும் எங்கள் பங்குக்கு தருவோம். இவர் துவக்கம் முதலே, சிறுபிள்ளைத்தனமாக பேசி வருகின்றார்,'' என கூறியுள்ளார்.