தாய்லாந்தில் வடக்கு மாகாணமான லாம்பூன் என்ற பகுதியைச் சேர்ந்தவர் நெத்தம்பக் கும்காட், 37 , இவர் தனது தோட்டத்தில் முதலை பண்ணை வைத்து 100-க்கும் மேற்பட்ட சியாமி இன முதலைகளை வளர்த்து வந்தார். .இம்முதலைகள் ஒவ்வொன்றும் 14 முதல் 16 அடி நீளம் கொண்டவை.

இந்நிலையில் இப்பகுதியில் கடந்த புயல் காரணமாக சில நாட்களாக கனமழை பெய்து வருகிறது. இதனால் வெள்ளநீர் இவரது பண்ணையை சூழ்ந்துவிட்டது. சுற்றுச்சுவர் இடிந்து வருவதை கண்டு அச்சமடைந்தார்.

ஏனெனில் சுற்றுச்சுவர் முற்றிலும் இடிந்து விழுந்தால், பண்ணைக்குள் வெள்ளநீர் புகுந்து முதலைகள் வெள்ளத்தில் அடித்து செல்லப்பட்டு வெளியேறி மக்களை தாக்கி கடித்து தின்றுவிடும் என அஞ்சினார்.

என்ன செய்வது என யோசித்த நிலையில் மக்களின் உயிர் தான் முக்கியம் என உணர்ந்த கும்காட், மர அறுவை மிஷன் உதவியுடன் 100-க்கும் மேற்பட்ட முதலைகளை அறுத்து கொன்று குவித்தார்.

இதன் புகைப்படத்தை தனது முகநூலில் பதிவேற்றி, செல்பி எடுத்தார். பின் மக்களை காப்பாற்ற தான் வளர்த்த முதலைகளை கொன்றது எனது அவசர முடிவு என அதற்கான காரணத்தையும் தெரிவித்தார்.