அமெரிக்க அதிபராக டிரம்ப் பதவியேற்றது முதல் பல்வேறு நாடுகள் மீது வரி விதிப்பை அதிகரித்து வருகிறார். இதனை எதிர்த்து அந்நாட்டு நீதிமன்றத்தில் வழக்கு தொடரப்பட்டு உள்ளது. இதில் நீதிமன்றம் விரைவில் தீர்ப்பு அளிக்கும் என எதிர்பார்க்கப்படுகிறது.

இந்நிலையில் டிரம்ப் வெளியிட்ட அறிக்கையில் தெரிவித்துள்ளதாவது: அமெரிக்காவின் வரி விதிப்பு, பங்குச்சந்தையில் நேர்மறையான தாக்கத்தை ஏற்படுத்தி உள்ளன. தினமும் புதிய சாதனை படைக்கப்போகிறோம். கோடிக்கணக்கான டாலர்கள், நமது நாட்டு கருவூலத்தில் கொட்டப்போகின்றன.

அமெரிக்கா இதுவரை கண்டிராத மிகப்பெரிய அளவிலான பணம், சொத்து உருவாக்கம் மற்றும் செல்வாக்கை வீழ்த்த அல்லது தொந்தரவு செய்யும் முயற்சியில் நீதிமன்றம் நமக்கு எதிராக தீர்ப்பு அளித்தால், இந்த மிகப்பெரிய தொகையான பணத்தையும், மரியாதையையும் மீட்டெடுப்பது அல்லது திருப்பிச் செலுத்துவது சாத்தியமற்றது.

இது 1929ம் ஆண்டை போல், மீண்டும் மிகப்பெரிய மனச்சோர்வாக அமையும். அமெரிக்காவின் செல்வம், வலிமை மற்றும் அதிகாரத்துக்கு எதிராக ஆட்சி செய்யப்போகிறார்கள் என்றால், அவர்கள் நீண்ட காலத்துக்கு முன்பே அவ்வாறு செய்திருக்கவேண்டும்.

நமது முழு நாடும் இதுபோன்ற ஒரு மகத்துவத்துக்கு வாய்ப்பு கிடைக்காத நிலையில், 1929ம் ஆண்டு பாணி ஆபத்தில் சிக்கி உள்ளது. இதுபோன்ற ஒரு நீதித்துறை சோகத்தில் இருந்து அமெரிக்கா மீள எந்த வழியும் இல்லை. ஆனால், நமது நீதிமன்ற அமைப்பை யாரையும் விட நன்றாக நான் அறிவேன்.

வரலாற்றில் சாதனைகள், இன்னல்கள் மற்றும் நிச்சயமற்ற தன்மைகளை என்னைப் போல் வேறு யாரும் கடந்தது இல்லை. மிகவும் பயங்கரமான, ஆனால், அதிசயமான அழகான விஷயங்கள் நடக்கலாம். நமது நாடு வெற்றி்க்கும் மகத்துவத்துக்கும் தகுதியானது. கொந்தளிப்பு , தோல்வி மற்றும் அவமானத்துக்கு அல்ல. அமெரிக்காவை கடவுள் ஆசிர்வதிக்கட்டும். இவ்வாறு அந்த அறிக்கையில் டிரம்ப் கூறியுள்ளார்.

இந்த வழக்கில், வரி விதிப்புக்கு எதிராக தீர்ப்பு வந்தால், சமீபத்திய டிரம்ப்பின் அறிவிப்புகளுக்கும் சிக்கல் ஏற்படும் அபாயம் உள்ளது. இருப்பினும் இதனை எதிர்த்து தோற்ற தரப்பு சுப்ரீம் கோர்ட்டை அணுகவும் வாய்ப்பு உள்ளது.