தினமலர் நாளிதழ், வஜ்ரம் மற்றும் ரவி இன்ஸ்டிட்யூட் பார் ஐ.ஏ.எஸ் எக்ஸாமினேஷன் நடத்திய நீங்களும் ஆகலாம் ஐ.ஏ.எஸ் நிகழ்ச்சி சென்னை கலைவாணர் அரங்கில் நடந்தது. இதில் சிறப்பு விருந்தினராக பங்கேற்ற முன்னாள் ஐ.பி.எஸ் அதிகாரி ரவிக்கு நினைவு பரிசு வழங்கப்பட்டது. உடன் இடமிருந்து வலம் - தினமலர் இணை இயக்குனர் ஏ.லட்சுபதி, வஜ்ரம் மற்றும் ரவி இன்ஸ்டிட்யூட் பார் ஐ.ஏ.எஸ் இயக்குனர் ரவீந்திரன், முன்னாள் ஐ.பி.எஸ் அதிகாரி அண்ணாமலை, தினமலர் இணை இயக்குனர்கள் ஆர்.லட்சுமிபதி, ஆர்.சீனிவாசன் மற்றும் வஜ்ரம் மற்றும் ரவி இன்ஸ்டிட்யூட் பார் ஐ.ஏ.எஸ் பயிற்சியாளர் கார்த்திகேயன். இடம் : சேப்பாக்கம், சென்னை.
பிரதமர் மோடி வரும் 11ஆம் தேதி பூந்தமல்லி - போரூர் இடையே மெட்ரோ ரயில் சேவையை துவக்கி வைக்க உள்ளார். இதன் முன்னோட்டமாக சென்னை போரூர் பகுதியில் மெட்ரோ ரயில் சோதனை ஓட்டம் நடந்தது.
பல்லாயிரக்கணக்கான ஏக்கர் விவசாய நிலங்களின் தாகம் தீர்த்து, பச்சை பசலென காணப்பட்ட திருப்பூர் மாவட்டத்தில் உள்ள உடுமலை திருமூர்த்தி அணை, போதிய மழையின்றி, தன் ஈரத்தன்மையையே இழந்து நிற்கிறது. மதகுகளை முத்தமிட்டு அலையடித்த நீர் வற்றிப்போய், விரிசலடைந்த அணைப்பகுதி கால்நடைகளின் மேய்ச்சல் நிலமாக மாறியிருப்பது உழவர் பெருமக்களின் நெஞ்சில் சோகத்தை விதைத்துள்ளது.
சென்னை அருகே, வண்டலுார் ஊனமாஞ்சேரியில் உள்ள காவல் உயர் பயிற்சியகத்தில், பயிற்சி முடித்த டி.எஸ்.பி.,க்களுக்கான பதக்கங்களை, முதல்வர் விஜய் நேற்று வழங்கினார். அப்போது, பயிற்சி டி.எஸ்.பி., ஆனிஷ் பிரதீபுக்கு, வீர வாளை உறையிலிட்டு கவுரவித்தார்.
சென்னை பூந்தமல்லி பைபாஸ் சாலை முதல் வடபழனி வரைவிலான சென்னை மெட்ரோ இரண்டாம் கட்டத்தின் முதல் வழித்தடம் அக்டோபர் 11, அன்று தொடங்க உள்ளது. இதன் தொடக்கவிழாவில் பிரதமர் மோடி, முதல்வர் விஜய் கலந்து கொள்கின்றனர். பூந்தமல்லி மெட்ரோ நிலையத்தின் வான்வழித் தோற்றம்.
கூடலூர் அருகே, பசுமை வனப்பகுதி இடையே அமைந்துள்ள தேயிலை தோட்டம்; வளைந்து செல்லும் இரு மாநில சாலை ஓரங்களில் யானை உள்ளிட்ட வனவிலங்குகள் பகல் நேரத்திலும் உலா வருவதால் சுற்றுலா பயணிகள் கவனமுடன் செல்ல வனத்துறை அறிவுறுத்தி உள்ளது.
சினிமா
டிவி
Podcast
iPaper
கோயில்கள்
புத்தகங்கள்
Subscription
திருக்குறள்
கடல் தாமரை
