ஜப்பானில் முதல் ஏவுகணை சோதனை: கிழக்கு ஆசிய நாடான ஜப்பான், போதிய நிலப்பரப்பு இல்லாத காரணம் மற்றும் பாதுகாப்புக்காக, அதன் நட்பு நாடுகளான அமெரிக்கா மற்றும் ஆஸ்திரேலியாவில் இருந்தே இதுவரை ஏவுகணை சோதனைகளை நடத்தி வந்தது. முதன்முறையாக, நேற்று தங்கள் நாட்டு எல்லைக்குள் இருந்து, நிலத்தில் இருந்து கப்பல்களை தாக்கும் 'டைப் 88' என்ற ஏவுகணையை சோதித்தது. இது கடற்கரையில் இருந்து 40 கி.மீ.,க்கு அப்பால் கடலில் நிறுத்தப்பட்டிருந்த ஆளில்லா படகை துல்லியமாக தாக்கியது. இந்த ஏவுகணை ஜப்பான் எல்லைக்குள் அத்துமீறும் சீன கப்பல்களை சமாளிப்பதற்காக உருவாக்கப்பட்டுள்ளது.
மஹாராஷ்டிரா மாநிலம் நாக்பூரில் இரு நாட்கள் நடக்கும் விமான கண்காட்சியின் முதல் நாளில் நம் விமானப்படையின் சாரங் ஹெலிகாப்டர் குழுவினரின் சாகசம் பார்வையாளர்களை கவர்ந்தது.
ஜம்மு காஷ்மீரின் ஸ்ரீநகரில் கழிவுப் பொருட்களை பயன்படுத்தி உருவாக்கப்பட்ட வேஸ்ட் டு வொண்டர் ப்ளவர் கார்டன் என்ற சூழலியல் பூங்காவிற்கு வருகை தந்த பள்ளி மாணவர் ஒருவர் பூந்தொட்டியாக மாற்றப்பட்டுள்ள பழங்கால காரின் அழகை ரசித்தார்.