திருவண்ணாமலை கிரிவல பாதையில் குழந்தைகளுடன் வலம் வருபவர்கள் குழந்தைகளை தூக்கிக் கொண்டு கை வலிக்க 14 கிலோமீட்டர் நடப்பர். அந்த சிரமத்தை குறைக்கும் வகையில் 300 ரூபாய் வாடகை கொடுத்தால், அதற்கான வண்டியை வாடகைக்கு தருகின்றனர். அப்படி வாடகைக்கு எடுத்த வண்டியில் குழந்தையை அமர வைத்து தள்ளிக் கொண்டு சென்ற தாய்.
மஹாராஷ்டிரா மாநிலம் நாக்பூரில் இரு நாட்கள் நடக்கும் விமான கண்காட்சியின் முதல் நாளில் நம் விமானப்படையின் சாரங் ஹெலிகாப்டர் குழுவினரின் சாகசம் பார்வையாளர்களை கவர்ந்தது.
ஜம்மு காஷ்மீரின் ஸ்ரீநகரில் கழிவுப் பொருட்களை பயன்படுத்தி உருவாக்கப்பட்ட வேஸ்ட் டு வொண்டர் ப்ளவர் கார்டன் என்ற சூழலியல் பூங்காவிற்கு வருகை தந்த பள்ளி மாணவர் ஒருவர் பூந்தொட்டியாக மாற்றப்பட்டுள்ள பழங்கால காரின் அழகை ரசித்தார்.