டில்லி செங்கோட்டையில் கடந்த மாதம் 10ல் காரை வெடிக்க செய்து, தற்கொலைப்படை தாக்குதல் நடத்திய பயங்கரவாதி உமர், அந்த தாக்குதலுக்கு முன்னதாக ஜம்மு காஷ்மீரின் அனந்த்நாக் மாவட்டத்தில் உள்ள ஹூட்முரா வனப்பகுதியில் வெடிகுண்டை வெடிக்க செய்து சோதித்ததாக விசாரணையில் தெரியவந்துள்ளது. இதையடுத்து அந்த வனப்பகுதியில் பாதுகாப்புப்படையினர் சோதனையில் ஈடுபட்டனர்.
மஹாராஷ்டிரா மாநிலம் நாக்பூரில் இரு நாட்கள் நடக்கும் விமான கண்காட்சியின் முதல் நாளில் நம் விமானப்படையின் சாரங் ஹெலிகாப்டர் குழுவினரின் சாகசம் பார்வையாளர்களை கவர்ந்தது.
ஜம்மு காஷ்மீரின் ஸ்ரீநகரில் கழிவுப் பொருட்களை பயன்படுத்தி உருவாக்கப்பட்ட வேஸ்ட் டு வொண்டர் ப்ளவர் கார்டன் என்ற சூழலியல் பூங்காவிற்கு வருகை தந்த பள்ளி மாணவர் ஒருவர் பூந்தொட்டியாக மாற்றப்பட்டுள்ள பழங்கால காரின் அழகை ரசித்தார்.