கர்நாடகாவின் கடலோர மாவட்டங்களில் அறுவடைக்கு பிந்தைய காலத்தில் நடத்தப்படும் பாரம்பரிய வீர விளையாட்டு கம்பாலா. சேறும், சகதியுமான பந்தய களத்தில் நடத்தப்படும் இந்த போட்டியில் வீரர்கள், எருதுகளுடன் அவற்றுக்கு இணையான வேகத்திற்கு ஓடி இலக்கை அடைவர். பார்வையாளர்களை மெய்சிலிர்க்க வைக்கும் இந்த நிகழ்வு, மங்களூரு அருகே நடந்தது.
மஹாராஷ்டிரா மாநிலம் நாக்பூரில் இரு நாட்கள் நடக்கும் விமான கண்காட்சியின் முதல் நாளில் நம் விமானப்படையின் சாரங் ஹெலிகாப்டர் குழுவினரின் சாகசம் பார்வையாளர்களை கவர்ந்தது.
ஜம்மு காஷ்மீரின் ஸ்ரீநகரில் கழிவுப் பொருட்களை பயன்படுத்தி உருவாக்கப்பட்ட வேஸ்ட் டு வொண்டர் ப்ளவர் கார்டன் என்ற சூழலியல் பூங்காவிற்கு வருகை தந்த பள்ளி மாணவர் ஒருவர் பூந்தொட்டியாக மாற்றப்பட்டுள்ள பழங்கால காரின் அழகை ரசித்தார்.