திருப்பூரில் நடந்த திமுக மேற்கு மண்டல மகளிர் அணி மாநாட்டில் பங்கேற்க அக்கட்சியின் துணை பொதுச்செயலர் கனிமொழி, திமுக எம்பிக்கள் தமிழச்சி, கனிமொழி சோமு ஆகியோர் சென்னையில் இருந்து கோவைக்கு விமானத்தில் சென்றனர். அப்போது அதே விமானத்தில் பயணித்த தமிழக பாஜ முன்னாள் தலைவர் தமிழிசையுடன் புகைப்படம் எடுத்ததை, 'வெல்லும் தமிழ் பெண்கள்' என குறிப்பிட்டு சமூக வலைதளத்தில் கனிமொழி பதிவிட்டுள்ளார்.
மஹாராஷ்டிரா மாநிலம் நாக்பூரில் இரு நாட்கள் நடக்கும் விமான கண்காட்சியின் முதல் நாளில் நம் விமானப்படையின் சாரங் ஹெலிகாப்டர் குழுவினரின் சாகசம் பார்வையாளர்களை கவர்ந்தது.
ஜம்மு காஷ்மீரின் ஸ்ரீநகரில் கழிவுப் பொருட்களை பயன்படுத்தி உருவாக்கப்பட்ட வேஸ்ட் டு வொண்டர் ப்ளவர் கார்டன் என்ற சூழலியல் பூங்காவிற்கு வருகை தந்த பள்ளி மாணவர் ஒருவர் பூந்தொட்டியாக மாற்றப்பட்டுள்ள பழங்கால காரின் அழகை ரசித்தார்.