ராஜஸ்தானின் கலாசார அடையாளங்களில் ஒன்றான சர்வதேச ஒட்டகத்திருவிழா அங்குள்ள பிகானீரில் நாளை மறுதினம் துவங்குகிறது. இதற்காக ஓட்டகப் பராமரிப்பாளர்கள் தங்கள் ஓட்டகங்களின் உடலில் உள்ள ரோமங்களை மிகவும் நுணுக்கமாக வெட்டி அதில் அழகான பல வடிவங்களையும் உருவாக்குகின்றனர். உஸ்தா கலை வடிவத்தின் ஒரு பகுதியாக இது கருதப்படுகிறது.
மஹாராஷ்டிரா மாநிலம் நாக்பூரில் இரு நாட்கள் நடக்கும் விமான கண்காட்சியின் முதல் நாளில் நம் விமானப்படையின் சாரங் ஹெலிகாப்டர் குழுவினரின் சாகசம் பார்வையாளர்களை கவர்ந்தது.
ஜம்மு காஷ்மீரின் ஸ்ரீநகரில் கழிவுப் பொருட்களை பயன்படுத்தி உருவாக்கப்பட்ட வேஸ்ட் டு வொண்டர் ப்ளவர் கார்டன் என்ற சூழலியல் பூங்காவிற்கு வருகை தந்த பள்ளி மாணவர் ஒருவர் பூந்தொட்டியாக மாற்றப்பட்டுள்ள பழங்கால காரின் அழகை ரசித்தார்.