பிரதமர் மோடியின் பிறந்த நாளை முன்னிட்டு, சென்னை, துார்தர்ஷன் தொலைக்காட்சி அலுவலக வளாகத்தில், ஆசிர்வாத தீபம் ஏற்றும் நிகழ்ச்சி நடந்தது. இதில், மத்திய இணை அமைச்சர் எல்.முருகன், தமிழக பா.ஜ., தலைவர் நயினார் நாகேந்திரன், முன்னாள் தலைவர் தமிழிசை, திரைப்பட இயக்குனர் ஆர்.கே.செல்வமணி, பாலிமர் தொலைக்காட்சி நிர்வாக இயக்குனர் கல்யாணசுந்தரம், தினத்தந்தி குழும இயக்குனர் சிவந்தி ஆதித்தன், 'தினமலர்' கோவை பதிப்பு வெளியீட்டாளர் எல்.ஆதிமூலம், ஜவுளி தொழில் வர்த்தகர் நல்லி குப்புசாமி, தமிழ்நாடு டாக்டர் எம்.ஜி.ஆர்., ஜானகி மருத்துவ பல்கலை முன்னாள் துணை வேந்தர் சுதா சேஷய்யன் மற்றும் திரையுலக பிரமுகர்கள், பத்திரிகையாளர்கள் உள்ளிட்டோர் விளக்கேற்றினர்.
மஹாராஷ்டிரா மாநிலம் நாக்பூரில் இரு நாட்கள் நடக்கும் விமான கண்காட்சியின் முதல் நாளில் நம் விமானப்படையின் சாரங் ஹெலிகாப்டர் குழுவினரின் சாகசம் பார்வையாளர்களை கவர்ந்தது.
ஜம்மு காஷ்மீரின் ஸ்ரீநகரில் கழிவுப் பொருட்களை பயன்படுத்தி உருவாக்கப்பட்ட வேஸ்ட் டு வொண்டர் ப்ளவர் கார்டன் என்ற சூழலியல் பூங்காவிற்கு வருகை தந்த பள்ளி மாணவர் ஒருவர் பூந்தொட்டியாக மாற்றப்பட்டுள்ள பழங்கால காரின் அழகை ரசித்தார்.