பெங்களூரு கப்பன் பார்க் வளாகத்தில், அரசு ஊழியர்களுக்கான பொழுதுபோக்கு நடவடிக்கை மையம் உள்ளது. இந்த மையத்தில் மாநில தரவரிசை டேபிள் டென்னிஸ் போட்டிகள் நடந்து வந்தன. நேற்று காலை நடந்த அரையிறுதி போட்டியில் ஆடவர் பிரிவில், விளையாட்டு வீரர்கள் அபினவ் மூர்த்தி - அதர்வா விளையாடினர்.

இதில் 13- 11; 11 - 6; 10 - 12; 8 - 11; 12 - 10க்கு என்ற கணக்கில் அதர்வாவை வீழ்த்தி அபினவ் மூர்த்தி பைனலுக்கு வந்தார். இன்னொரு அரை இறுதியில் விபாஸ் - கவுரவ் கவுடா இடையில் போட்டி நடந்தது. இதில் 11 - 3; 11 - 6; 11 - 9 என்ற கணக்கில் கவுரவ் கவுடாவை விபாஸ் வீழ்த்தினார்.

நேற்று மதியம் நடந்த இறுதி போட்டியில் அபினவ் - விபாஸ் மோதினர். இதில் 11 - 8; 9 - 11; 13 - 11; 16 - 14; 5 - 11; 11 - 4; என்ற நேர்செட்டில் விபாசை வீழ்த்தி அபினவ் வெற்றி வாகை சூடினார்.

பெண்களுக்கான இறுதி போட்டியில் தனிஷ்கா - மிஹிகா சுமேதா மோதினர். இதில் 11 - 2; 11 - 4; 11 - 8; 11 - 7; என்ற நேர் செட்டில் மிஹிகா சுமேதாவை வீழ்த்தி தனிஷ்கா வெற்றி பெற்றார். வெற்றி பெற்ற இருவருக்கும் போட்டி நடத்தியவர்கள் பாராட்டு சான்றிதழ் வழங்கி கவுரவித்தனர்

- நமது நிருபர் -.