கடந்த 13ம் தேதி நடந்த, 13 வயதுக்கு உட்பட்டோருக்கான இறுதி போட்டியில் ஒற்றையர் பிரிவில் ராய்ச்சூரின் இஷான் பதக், பெங்களூரின் தஷ் ரத்ரோட் மோதினர். இந்த போட்டியில் 21 - 15; 22 - 24; 22 - 20 என்ற நேர் செட் கணக்கில் இஷான் பதக் வென்றார்.

பெண்களுக்கான ஒற்றையர் பிரிவில் பெங்களூரின் ஜோஹனா - புன்யா மோதினர். இந்த போட்டியில் 13 - 21; 21 - 18; 21 - 12 என்ற நேர் செட் கணக்கில் ஜோஹனா வென்றார்.

இரட்டையர் பிரிவில் இஷான் பதக் - ரோஹன் ஜோடியும், தஷ் ரத்தோட் - சன்ஷ்ரே சுனில் ஜோடியும் மோதியது. இதில் 23 - 21; 21 - 13 என்ற நேர் செட் கணக்கில், இஷான் பதக் - ரோஹன் ஜோடி வெற்றி பெற்றது.

பெண்கள் இரட்டையர் பிரிவில் பெங்களூரின் ஜோஹனா - புன்யா ஜோடி 17 - 21; 21 - 14; 21 - 10 என்ற நேர் செட் கணக்கில் பெங்களூரின் தக் ஷிதா முண்ட்லா -ஜான்யஸ்ரீ ஜோடியை வீழ்த்தி சாம்பியன் பட்டத்தை கைப்பற்றியது.

தவிர, 11 வயதுக்கு உட்பட்டோருக்கான ஆண்கள் ஒற்றையர் பிரிவில், பெங்களூரின் அகஸ்தியா, தன்னை எதிர்த்து போட்டியிட்ட தஷ் ரகுநாத்தை 21 - 17; 21 - 17 என்ற கணக்கிலும்; பெண்கள் பிரிவில் ஸ்ரேயா ராவ், தன்னை எதிர்த்து போட்டியிட்ட யசோதினியை 21 - 13; 21 - 18 என்ற கணக்கிலும் வென்றனர்.

ஆண்களுக்கான இரட்டையர் பிரிவில் நீவ் சுஷ்ருத் - பிரணவ் ஜோடி, சமமு - செல்ல பிரனேஷ் ஜோடியை 21 - 9; 21 - 6 என்ற கணக்கில் வீழ்த்தியது. பெண்களுக்கான இரட்டையர் பிரிவில் நிஹாரிகா ராஜ் - ஸ்ரேயா ஜோடி, கிருஷா - குஷி ஜோடியை 21 - 13; 22 - 20 என்ற கணக்கில் வீழ்த்தியது.

வெற்றி பெற்ற மாணவர்களுக்கு பாராட்டு சான்றிதழ், கோப்பை வழங்கப்பட்டது

- நமது நிருபர்-.