செய்முறை  கறுப்பு கவுனி அரிசியை நன்றாக கழுவி குறைந்தது 6 மணி நேரம் ஊற வைக்க வேண்டும். பின், ஊற வைத்த அரிசியை, ஒரு குக்கரில் இரண்டு கப் தண்ணீர் ஊற்றி நான்கு 'விசில்' வரும் வரை நன்றாக வேக வைக்க வேண்டும்

 தேவை யான அளவு தேங்காயை அரைத்து, தேங்காய் பாலை தனியாக எடுத்து வைத்து கொள்ளுங்கள்.

 பாயசம் தயாரிக்க ஒரு பாத்திரத்தில் வேகவைத்த அரிசியை கொதிக்க வைத்து, அதில் தேங்காய் பாலை சேர்த்து கலக்கவும்.

 ஐந்து நிமிடத்துக்கு பின், இதில் நாட்டு சர்க்கரை அல்லது பனைவெல்லம் சேர்த்து கரைய விடுங்கள். பின், மீண்டும் சிறிதளவு தேங்காய் பாலை ஊற்றி கிளற வேண்டும். கைவிடாமல் கிளறிக் கொண்டே இருக்க, பாயசம் கெட்டியாக மாறி வரும்.

 இறுதியாக நாம் எடுத்து வைத்த தேங்காய் பால் மொத்தமும் இதில் சேர்த்து, சிறிது நேரம் கொதிக்க விட்டு ஏலக்காய் துாளை துாவ வேண்டும்.

 அடுப்பை அணைத்து விட்டு, இதை இறக்கி வைத்து விடுங்கள்.

 ஒரு சிறிய கடாயில் நெய் ஊற்றி, நெய் சூடு ஆனதும் முந்திரி திராட்சை சேர்த்து வறுத்த பின் பாயசத்தில் சேர்க்க வேண்டும். அவ்வளவுதான் சுவையான ஆடி ஸ்பெஷல் கறுப்பு கவுனி அரிசி பாயசம் தயார்.

 சுவையான கறுப்பு கவுனி பாயசத்தை சூடாகவும் பரிமாறலாம் அல்லது சிறிது குளிர வைத்து பரிமாறலாம்

- நமது நிருபர் - .