கோவை பீளமேடு பி.எஸ்.ஜி., மருத்துவ கல்லூரி மைதானத்தில், 2வது ஆண்டாக 'பி.எஸ்.ஜி ஹார்டத்தான் 2023' என்ற பெயரில் பெண்கள் மட்டும் பங்கேற்கும் சிறப்பு மாரத்தான் போட்டி நடைபெற உள்ளது. செப்.,24ம் தேதி ஞாயிற்றுக்கிழமை காலை 5.30 மணிக்கு துவங்கும் போட்டியில் 3 கி.மீ.,7 கி.மீ.,மற்றும் 10 கி.மீ., என மூன்று பிரிவுகளாக மாரத்தான் நடத்தப்படுகிறது.

மாரத்தானில் பங்கேற்க பதிவு கட்டணமாக 3.கி.மீ பிரிவுக்கு ரூ.300, 7 கி.மீ பிரிவுக்கு ரூ.750, 10 கி.மீ பிரிவுக்கு ரூ.900 நிர்ணயிக்கப்பட்டுள்ளது. மாரத்தானில் வெற்றி பெறும் 18 வயதுக்கு மேற்பட்டோருக்கு மொத்தம் ரூ.1.10 லட்சம் வரை ரொக்க பரிசாக வழங்கப்படுமென அறிவிக்கப்பட்டுள்ளது.

இது தவிர, மாரத்தான் போட்டியில் பங்கேற்கும் அனைவருக்கும், டி - சர்ட், பதக்கம், சான்றிதழ், காலை உணவு வழங்கப்படுமென அறிவிக்கப்பட்டுள்ளது. முன்பதிவு மற்றும் விவரங்களுக்கு 9894097730 என்ற மொபைல் எண்ணில் அழைக்கலாம்.