முழு தானியங்கள்

மேலே கூறிய சோளம், கம்பு, கோதுமை போன்ற தாவரங்களின் விதைகளையே முழு தானியங்கள் என்கிறார்கள். பதப்படுத்தப்படாத முழு தானியங்கள் மூன்று பகுதிகளைக் கொண்டிருக்கும். தவிடு, எண்டோஸ்பெர்ம் மற்றும் விதையின் உட்கரு. தானியத்தின் மையப் பகுதியான எண்டோஸ்பெர்ம் தான் மாவுச்சத்தின் மூலம். நாம் தவிடு என நீக்கும் மேல் தோலில் தான் கரையாத நார்ச்சத்து, பி வைட்டமின்கள் மற்றும் பைட்டோகெமிக்கல்கள் இருக்கின்றன. விதையின் கருவில் புரதம், ஆரோக்கியமான கொழுப்புகள், வைட்டமின் ஈ உள்ளிட்டவை உள்ளன.

ஏன் முழு தானியங்கள் நல்லது

முழு தானியங்கள் நீரிழிவு நோயாளிகளுக்கு மட்டுமல்ல, முழு குடும்பத்திற்கும் சிறந்தது. முழு தானிய உணவுகள் பொதுவாக இரத்த குளுக்கோஸ் அளவைக் கட்டுப்படுத்த சிறந்தவை. இருப்பினும், முழு தானியங்களும் கார்போஹைட்ரேட் கொண்ட உணவுகள் தான். எனவே அதிகம் சாப்பிடக் கூடாது. முழு தானிய உணவுகள், இதய நோய், பக்கவாதம், சில வகையான புற்றுநோய் மற்றும் வகை 2 நீரிழிவு நோயின் அபாயத்தைக் குறைக்கும் என்று சில ஆய்வுகள் காட்டுகின்றன.

தினம் ஒரு முழு தானியம்

ஒவ்வொரு கிழமை ஒரு முழு தானியம் என முடிவு செய்துகொண்டு சாப்பிட வேண்டும். பிரவுன் அரிசி, ஓட்ஸ், மரகோதுமை என ஏராளமான முழு தானியங்கள் உள்ளன. அவற்றை பிடித்தது போல் சமைத்துச் சாப்பிடலாம். வெள்ளை அரிசிக்கு பதில் பிரவுன் அரிசியைப் பயன்படுத்தலாம். மக்காச்சோளத்தை பாப்கார்ன் செய்து சாப்பிடலாம். இனிப்பு, உப்பு சேர்க்கக் கூடாது. தற்போது முழு தானிய பிரட்கள் கூட கிடைக்கின்றன. அதையும் சாப்பிடலாம்.