அதீத ரசாயனம் கொண்ட சோப்புகள், ஷாம்புகள், பாடிவாஷ், கண்டிஷனர் உள்ளிட்டவற்றைப் பயன்படுத்துவோருக்கு ஒவ்வாமை காரணமாக முதுகு அரிப்பு ஏற்படலாம்.

சில பாடி டியோட்ரென்ட்களின் ஒவ்வாமை காரணமாகவும் ஏற்படலாம்.

படுக்கையில் பலநாட்களாக சிகிச்சை பெற்றுவரும் முதியோருக்கு முதுகுக் கொப்புளங்களால் அரிப்பு ஏற்படலாம். இதற்கு 'பெட் சோர்' எனப் பெயர்.

கர்ப்ப காலத்தில் பெண்களுக்கு ஹார்மோன் மாற்றம் காரணமாக பிட்டம் மற்றும் முதுகில் அரிப்பு ஏற்படலாம். இவர்களுக்கு உடல் நோய் எதிர்ப்பு சக்தி உடலுக்கு எதிராகவே செயல்பட வாய்ப்புள்ளது. இதனாலும் முதுகு அரிப்பு உண்டாகலாம்.

மெனோபாஸ் நிலை அடைந்த பெண்களுக்கு முதுகு அரிப்பு ஏற்படலாம்.

தோலை உறுத்தும் கடினமான ஆடைகள் அணிவதாலும் முதுகு அரிப்பு, எரிச்சல் ஏற்படலாம். இதுதவிர கோடை காலங்களில் வியர்வையாலும் ஏற்பட வாய்ப்புள்ளது.

தினசரி குளித்து உடலை சுகாதாரமாக வைத்துக்கொள்ளாமல் அசுத்தமாக இருப்பவர்களுக்கு கிருமித் தொற்றினால் அரிப்பு ஏற்படலாம்.

அதீத உப்பு நிறைந்த குளியல்நீர் சில சமயங்களில் அரிப்பை உண்டாக்கும்.

முதுகு அரிப்பு ஏற்பட மேற்கண்டதுபோல பல்வேறு காரணிகள் உள்ளதால் எதனால் அரிப்பு ஏற்படுகிறது எனக் கண்டறிந்து அதற்கேற்ப சிகிச்சை பெறுவது நல்லது. அரிப்பு அதிகமாக இருக்கும்பட்சத்தில் வீட்டில் கைவைத்தியம் செய்யாமல் தோல் மருத்துவரை அணுகி அவர் பரிந்துரைக்கும் ஆயின்மெண்ட்களைப் பயன்படுத்தலாம். முடிந்தவரை சுகாதாரத்தைக் கடைப்பிடிப்பது, வாசனை திரவியங்களை தோலில் நேரடியாகப் பயன்படுத்தாமல் இருப்பது நல்லது. மிதமான ரசாயனம் கொண்ட குளியல் பொருட்களைப் பயன்படுத்தினால் சருமம் காக்கப்படும். நடுத்தர வயதுப் பெண்கள் இறுக்கமான உள்ளாடைகள் மற்றும் மேல் ஆடைகளைத் தவிர்த்து மிருதுவான ஆடைகளை அணிவது முதுகு அரிப்பைத் தடுக்கவுதவும்.