* மனம் விட்டு சிரிக்கும் போது நுரையீரல்கள் முழுமையாக விரிவடைந்து, போதியளவு ஆக்சிஜன் உடலுக்கு கிடைக்கிறது.

* நன்றாக சிரிப்பதால் முகத்தின் தசை நார்கள் விரிந்து முகத்தின் அழகை கூட்டுகிறது.

* சிரிப்பதால் நம்முடைய மூளையில் உள்ள எண்டோர்பின் என்னும் ஹார்மோன் சுரக்கிறது. இதனால் நம்முடைய உடல் மிகவும் சுறுசுறுப்பாக இருக்கும்.

* சிரிக்கும் போது இதயத்துடிப்பு சீராக இருக்கும். இரத்த ஓட்டம் அதிகரிக்கிறது. இதனால் ஹார்ட் அட்டாக் மற்றும் இதயம் தொடர்பான பிரச்சனைகளில் இருந்து பாதுகாப்பாக இருக்கலாம்.

* தினமும் வயிறு குலுங்க 10 நிமிடங்கள் சிரித்தால் அட்ரினல் சுரப்பிகள் ஊக்குவிக்கப்படும். இதனால், உடலின் நோய் எதிர்ப்புச் சக்தி அதிகரிக்கும்.

* சிரிக்கும் போது மூளையின் அடியிலுள்ள பிட்யூட்டரி சுரப்பி தூண்டப்படுகிறது. இதனால் மூளையில் இரத்த ஓட்டம் தூண்டப்பட்டு மூளை புத்துணர்ச்சி அடைகிறது.

* செரிமானம் நன்றாக நடப்பதால் குடல் சார்ந்த பிரச்சனைகள் தீர்கிறது. மலச்சிக்கல் குறைய வாய்ப்புள்ளது.

* ஜலதோஷம் போன்ற சுவாசம் தொடர்பான நோய்கள் வராமல் தடுக்க, 'இம்மியூனோ குளோபுலின் ஏ' என்ற நோய் எதிர்ப்பு

சக்தி அவசியம் தேவை. சிரிக்கும் போது உமிழ்நீரில் இதன் அளவு அதிகரிக்கிறது என்கிறது மருத்துவ ஆராய்ச்சி.

* நன்றாக சிரித்து கலகலப்பாக இருப்பவர்களுக்கு உடலில் கொழுப்பு சேராது. உடலில் தேவையில்லாத சதை உருவாகாது. எனவே, சிரிப்பதால் உடல் எடையைக் கூட குறைக்க முடியும்.

எனவே, எவ்வித செலவும் இல்லாமல் உடலும், மனமும் ஆரோக்கியம் பெற இப்போதே சிரிக்கத் துவங்குங்கள்.