இந்த வகையில், அனைவரின் முதல் தேடலாக உள்ளது பாரம்பரிய அரிசி வகைகள் தான். அதில் ஒன்று தான் கருங்குறுவை அரிசி. பழங்கால அரிசி வகைகளில் மிகவும் முக்கியமான ஒன்றாகும்.

அறுவடைக் காலம்

சாகுபடி செய்த நாட்களிலிருந்து 120-125 நாட்களில் அறுவடைக்கு வரும், இந்த கருங்குறுவை அரிசி, தமிழ்நாடு, கேரளா, கர்நாடகா மாநிலங்களில் அதிகம் பயிரிடப்படுகிறது. டிசம்பர்- ஜனவரி மற்றும் ஜூன்-ஜூலை மாதங்களில் பயிரிடப்படும். இந்த அரிசி ரகம் சிவப்பு மற்றும் கருப்பு கலந்த நிறத்தில் இருக்கும்.

சத்துக்கள்

கருங்குறுவை அரிசியில் இரும்புச்சத்து, கால்சியம், வைட்டமின் ஏ,பி,பி12,கே, புரதச்சத்து மற்றும் மாவுச்சத்து உள்ளது. இந்த அரிசியில் ஆன்டி-ஆக்ஸிடன்ட்கள் உள்ளதால் புற்றுநோய் செல்கள் வளராமல் தடுக்கிறது.

பயன்கள்

கருங்குறுவை அரிசியில் உணவு சமைத்துச் சாப்பிட்டு வந்தால், உடல் ஆரோக்கியமாகவும், சுறுசுறுப்பாகவும் இருக்கும்.

ரத்தத்தைச் சுத்தப்படுத்தி உடலுக்குப் புத்துணர்ச்சி அளிக்கும். மலச்சிக்கலைத் தடுக்கும்.

பெண்கள் மகப்பேறு அடைய இந்த அரிசி பெரிதும் உதவுகிறது.

உடலில் தேங்கும் கொழுப்புகளைக் கரைத்து ஆரோக்கியமாக வாழ வழிவகை செய்யும்.

வயது முதிர்வைத் தடுத்து சருமத்தைப் பளபளப்பாக வைத்துக்கொள்ளும்.

இந்த அரிசியில் தொடர்ந்து உணவாக எடுத்துக்கொள்ளும் போது, யானைக்கால், காலரா நோய் வராமல் தடுப்பதாக கூறப்படுகிறது.