அதிக மொபைல் பயன்படுத்தும் குழந்தைகளுக்கு என்ன நடக்கும்?
அதிக மொபைல் பயன்படுத்தும் குழந்தைகளுக்கு என்ன நடக்கும்?
UPDATED : செப் 05, 2026 03:58 PM
ADDED : செப் 05, 2026 04:11 AM

6 வயதுக்குட்பட்ட குழந்தைகள் அதிக நேரம் மொபைல் பயன்படுத்துவது மூளை வளர்ச்சி, நினைவாற்றல் மற்றும் அறிவுத்திறனை பாதிக்கக்கூடும் என புதிய ஆய்வு தெரிவிக்கிறது. இதன் அபாயங்கள், பரிந்துரைக்கப்பட்ட ஸ்கிரீன் டைம் வரம்புகள் மற்றும் பெற்றோர்கள் கவனிக்க வேண்டும்.
இன்றைய காலத்தில் குழந்தைகளின் கைகளில் ஸ்மார்ட்போன் இருப்பது சாதாரண விஷயமாகிவிட்டது. ஆனால், சிறு வயதிலேயே அதிகமாக ஸ்கிரீன் டைம் பார்ப்பது அவர்களின் மூளை வளர்ச்சியில் பாதிப்பை ஏற்படுத்தக்கூடும் என புதிய ஆய்வு ஒன்று எச்சரிக்கிறது.
குழந்தைகளுக்கு மிக இளம் வயதிலேயே ஸ்மார்ட்போன் வழங்கப்படுவது அவர்களின் அறிவுத்திறன், நினைவாற்றல் மற்றும் கற்றல் திறனில் எதிர்மறையான தாக்கத்தை ஏற்படுத்தலாம். குறிப்பாக, மதிப்பெண்கள் குறைவது, நினைவாற்றல் திறன் குறைவது மற்றும் வகுப்பறைகளில் மோசமான செயல்பாடு போன்ற பல்வேறு கல்வி சிக்கல்களுக்கு இது வழிவகுக்கும் என குறிப்பிடப்பட்டுள்ளது. எனவே, ஆரம்பகால திரை வெளிப்பாட்டின் தாக்கத்தை பெற்றோர்கள் மிகவும் சீரியஸாக எடுத்துக்கொள்ள வேண்டும் என்று ஆராய்ச்சியாளர்கள் வலியுறுத்துகின்றனர்.
இந்த ஆய்வில், குழந்தைப் பருவம் முதல் நடுப்பருவம் வரை ஸ்மார்ட்போன் பயன்படுத்திய 502 குழந்தைகள் கண்காணிக்கப்பட்டனர்.6 வயதுக்குட்பட்ட குழந்தைகளுக்கு என்ன பாதிப்புகள் ஏற்படலாம்?
6 வயதுக்குட்பட்ட குழந்தைகள் அதிக நேரம் ஸ்மார்ட்போன்களை பயன்படுத்துவதால் அவர்களின் மூளை வளர்ச்சி, கற்றல் திறன் மற்றும் ஒட்டுமொத்த உடல்-மன ஆரோக்கியத்தில் ஏற்படக்கூடிய பாதிப்புகள் அதிகம்.
பேச்சு மற்றும் சமூகத் திறன்களில் பின்னடைவு: குழந்தைகள் பேசக் கற்றுக்கொள்வதிலும், மற்றவர்களுடன் இயல்பாக பழகுவதிலும் தாமதம் ஏற்படும்.எழுத்து திறன் பாதிப்பு: மழலையர் பள்ளியில் எழுதுவதற்குத் தேவையான நுண்ணிய கைத்திறன்கள் தாமதமாக வளர்ச்சி பெறும்.
தொடர்பு திறன் குறைவு: சொற்களஞ்சியம் குறைவதுடன், மற்றவர்களிடம் பேசும்போது சரியாக கண் பார்த்துப் பேசும் திறன் குறையும்.
கவனச்சிதறல்: எதிலும் நீண்ட நேரம் கவனம் செலுத்த முடியாத தன்மை, சரியான நேரத்தில் முடிவெடுக்கும் திறன் மற்றும் அறிவாற்றல் திறன்கள் பாதிக்கப்படலாம்.
சிக்கல்களை தீர்க்கும் திறன் குறைவு: புதிய சிக்கல்களை சொந்தமாக யோசித்துத் தீர்க்கும் திறனும், கற்பனைத் திறனும் பெரிதும் பாதிக்கப்படும்.நடத்தை மாற்றங்கள்: கோபம் அதிகமாக வருவது, பிடிவாதம் பிடிப்பது மற்றும் உணர்ச்சிகளை கட்டுப்படுத்தத் தெரியாமல் திணறுவது போன்ற 'பிகேவியரல்' பிரச்னைகள் உண்டாகும்.
உடல்பருமன் ஆபத்து: மைதானங்களில் ஓடி விளையாடும் உடல் உழைப்பு விளையாட்டுக்கள் குறைந்துவிடுவதால், பிற்காலத்தில் உடல் பருமன் ஏற்படும் ஆபத்து அதிகரிக்கிறது.குழந்தைகள் ஒரு நாளில் எவ்வளவு நேரம் மொபைல், டிவி பார்க்கலாம்?
2 வயதுக்குட்பட்டவர்கள்: திரை நேரம் முற்றிலுமாக தவிர்க்கப்பட வேண்டும். (குறிப்பாக 1 வயதுக்குட்பட்ட குழந்தைகளுக்கு எந்தக் காரணத்திற்காகவும் மொபைல் காட்டக் கூடாது. எனினும், உறவினர்களுடன் வீடியோ கால் பேசுவதற்கு மட்டும் இதில் விதிவிலக்கு அளிக்கலாம்).
18 மாதங்கள் முதல் 2 வயது வரை: பெற்றோர் அருகில் இருந்து கதைகள், இசை அல்லது கல்வி சார்ந்த நிகழ்ச்சிகளை மட்டும் மிகக் குறைந்த அளவில் பார்க்க அனுமதிக்கலாம்.
2 முதல் 5 வயது வரை: ஒரு நாளைக்கு 1 மணி நேரத்திற்கு மேல் இருக்கக் கூடாது.
5 வயதுக்கு மேல்: ஒரு நாளைக்கு அதிகபட்சம் 2 மணி நேரம் வரை அனுமதிக்கலாம்.பெற்றோர்கள் கவனிக்க வேண்டிய முக்கிய விஷயங்கள்குழந்தைகளிடம் ஆரோக்கியமான பழக்கங்களை வளர்க்க பெற்றோர் சில விசயங்களை செய்து தான் ஆக வேண்டும்.உணவு சாப்பிடும் போது மொபைல் கொடுப்பதை தவிர்க்கவும்.தூங்குவதற்கு குறைந்தபட்சம் 1 மணி நேரத்திற்கு முன்பு அனைத்து திரைகளையும் அணைத்துவிட வேண்டும்.
மொபைலுக்குப் பதிலாக வெளியில் சென்று விளையாடும் விளையாட்டுகள் மற்றும் புத்தகம் படிக்கும் பழக்கத்தை ஊக்குவிக்கவும்.பொருத்தமற்ற உள்ளடக்கங்களைத் தவிர்க்கவும், தடுக்கவும் மொபைல்/டிவியில் வசதியைப் பயன்படுத்தவும்.குழந்தைகள் திரைகளை பயன்படுத்தும் போது, எப்போதெல்லாம் முடியுமோ அப்போதெல்லாம் அருகில் இருந்து கண்காணிக்கவும்.
பெற்றோரான நீங்களும் உங்கள் மொபைல் பயன்பாட்டைக் குறைத்து குழந்தைகளுக்கு நல்ல முன்னுதாரணமாக இருக்க வேண்டும்.இன்றைய காலத்தில் டிஜிட்டல் சாதனங்கள் அவசியமாகிவிட்டாலும், சிறு வயதிலேயே அதிக நேரம் மொபைல் பார்ப்பது குழந்தைகளின் எதிர்காலத்தை பாதிக்கும். மொழித்திறன், சமூக திறன், கவன திறன் மற்றும் அறிவாற்றல் வளர்ச்சியில் பாதிப்புகள் வரலாம்.எனவே, வயதுக்கு ஏற்ற திரை நேர வரம்புகளை பின்பற்றி, குழந்தைகளை விளையாட்டு, வாசிப்பு மற்றும் நேரடி சமூக தொடர்புகளில் அதிகமாக ஈடுபடுத்துவது அவர்களின் ஆரோக்கியமான வளர்ச்சிக்கு மிகவும் அவசியமானது.
