இவர்கள், செல்லமே பக்கத்திற்காக, நம்மிடம் பகிர்ந்தவை:

கர்நாடக மாநிலம், பெங்களூரு, தேவனஹள்ளியில், 32,000 சதுர அடியில் , 'தி சென்ட்ரல் பார்க்' (The Scentral Park) அமைத்துள்ளோம். பிரத்யேகமாக பப்பிகளுக்காகவே உருவாக்கப்பட்ட இப்பார்க்கில் நிறைய மரங்களுடன், வாக்கிங் ஏரியா, நீச்சல் குளம் உள்ளது. ஆர்கானிக் முறையில், தோட்டப் பராமரிப்பு செய்வதால், மூலிகை செடிகளின் வாசத்தில், இயற்கை சூழலில் பப்பிகள் விளையாடலாம்.

பொதுவாக, பெங்களூருவில் அப்பார்ட்மென்ட் வீடுகள், நெரிசல் மிகுந்த சாலைகளால், செல்லப்பிராணிகளை வெளியிடங்களுக்கு அழைத்து செல்வதில் எக்கச்சக்க சிரமங்கள் இருக்கின்றன. இதனால், பப்பிகள் ரிலாக்ஸாக விளையாடும் வகையில், பார்க் வடிவமைத்தோம். குறிப்பிட்ட நேரத்தில், 5 பப்பிகள், 10 நபர்களை மட்டுமே அனுமதிக்கிறோம். அப்போது தான், அவை சுதந்திரமாக சுற்றி விளையாடும்.

பப்பி ஏறி குதித்து விளையாட, சில அமைப்புகளை உருவாக்கி இருக்கிறோம். மணலில் உருண்டு விளையாடி, களைத்து போகும் நேரத்தில், குளத்தில் குதித்து ரிலாக்ஸாக அவை நீந்தும். இங்கு கொண்டுவரும் பப்பிகள் முறையாக தடுப்பூசி போடப்பட்டுள்ளதா என்பதை பரிசோதித்த பிறகே அனுமதிப்பதால், மற்ற பப்பிகளுக்கு எந்த தொந்தரவும் ஏற்படாது. பப்பிகளுக்கு பிரத்யேக உணவகம், உரிமையாளர்களுக்கு தனி கேண்டீன் வசதி இருப்பதால், ஓய்வு நாளில் இங்கு வந்து, உங்கள் பப்பியுடன் நேரம் செலவிடலாம்.

தொடர்புக்கு:scentralpark.in