குளிர்காலத்தில், சீதோஷ்ண நிலை காரணமாக செல்லப்பிராணிகளுக்கு சில நோய் தொற்று பரவல் அதிகமாக இருக்கும். 'கெனைன் டிஸ்டெம்பர்' என்ற வைரஸ், இக்குளிர்காலத்தில் பப்பிகளின் நரம்பு மண்டலத்தை தாக்கும் வாய்ப்பு அதிகம். கண்களில் ஒருவித திரவம் வெளியேறி கொண்டே இருத்தல், வாந்தி, அடிவயிற்றில் கொப்புளம், வலிப்பு, அடிக்கடி கீழ்தாடை பகுதி படபடவென அடித்தல், நடக்க முடியாமை போன்றவை இதன் அறிகுறிகளாகும். பப்பி பிறந்து, 42 வது நாளில், டிஸ்டெம்பர், பார்வோ, எலிகாய்ச்சல் போன்ற வைரஸ் தாக்குதலில் இருந்து தற்காக்க தடுப்பூசி போடப்படும். இதன்பிறகு, 21 நாட்கள் கழித்து பூஸ்டர் தடுப்பூசி போட வேண்டும்.