தினமலர்
சினிமா
டிவி
Podcast
iPaper
கோயில்கள்
புத்தகங்கள்
Subscription
திருக்குறள்
கடல் தாமரை
Dinamalar Logo

 

/வாராவாரம்/நலம்/கண்ணே... மணியேன்னு பார்த்துக்கோங்க! கொரோனா கண்கள் வழியாக பரவ வாய்ப்பு

கண்ணே... மணியேன்னு பார்த்துக்கோங்க! கொரோனா கண்கள் வழியாக பரவ வாய்ப்பு

கண்ணே... மணியேன்னு பார்த்துக்கோங்க! கொரோனா கண்கள் வழியாக பரவ வாய்ப்பு


PUBLISHED ON : ஜூலை 26, 2020

Follow on GoogleFavourite on Google

PUBLISHED ON : ஜூலை 26, 2020


Follow on Google
Latest Tamil News
அ நிறம் | அளவு

''கொரோனா எச்சில் மற்றும் உமிழ்நீர் வழியாக எப்படி பரவுகிறதோ, அதே போல் கண்ணீர் வழியாகவும் பரவும்,'' என்கிறார் கண் நரம்பியல் சிறப்பு மருத்துவர் கிருபாபால்.

கொரோனா வைரஸ், கண் வழியாக பரவுமா ?

வைரஸ் தொற்றால் கண் நோய்கள் வருகின்றன. கொரோனாவும் வைரஸ் தொற்று நோய் என்பதால், கண் வழியாக பரவும் வாய்ப்பு உள்ளது. எச்சில் மற்றும் உமிழ்நீர் வழியாக எப்படி பரவுகிறதோ அதே போல் கண்ணீர் வழியாகவும் பரவும். அடிக்கடி கண்களை துடைப்பது, கசக்குவது கூடாது. கண்களில் ஏதாவது உறுத்தல், எரிச்சல் இருந்தால் கண்களை கழுவி, நல்ல துணியால் துடைத்து கொள்ள வேண்டும். வெளியே செல்லும்போது கண்ணாடி அணிவது நல்லது.

ஊரடங்கு சூழ்நிலையில், கண்ணில் பிரச்னை வந்தால் என்ன செய்வது?

கண் என்பது மிக முக்கியமான உறுப்பு. அதில் பிரச்னை என்றால் மருத்துவம் பார்க்கதான் வேண்டும். கண்ணில் வீக்கம், வலி, கண் சிவத்தல் உள்ளிட்ட பிரச்னை இருந்தால், மருத்துவர் ஆலோசனை தேவை. அதே போல் கண்ணாடி உடைந்து விட்டால் மாற்றியாக வேண்டும். இது போன்ற நோயாளிகளுக்கு, சுய பாதுகாப்புடன் மருத்துவம் பார்க்கிறோம். அறுவை சிகிச்சையை மட்டும்தான் தள்ளிப்போடுகிறோம்.

சர்க்கரை நோயால், கண் பார்வை எவ்வாறு பாதிக்கப்படுகிறது?

சர்க்கரை அளவு அதிகரித்தால், கண்ணில் நீர் கட்டிகள் உருவாகும். கண் லென்சில் நீர் ஏறி, கண்புரை ஏற்படும். கண்களில் உள்ள சிறிய ரத்த குழாய்களில், நீர் மற்றும் ரத்த கசிவு ஏற்படும். இதனால் நீர் அழுத்தம் அதிகமாகி, கண்பார்வை பாதிக்கும். கட்டுப்பாட்டில் இருந்தால், சர்க்கரை ஒரு பெரிய நோய் இல்லை. கட்டுப்பாடு இல்லை என்றால், எல்லா நோய்களுக்கும் இதுவே கதவை திறந்து விட்டுவிடும். குறிப்பாக கண்களை அதிகம் பாதிக்கும்.

குழந்தைகளுக்கு கண் பார்வை குறைபாடு அதிகம் வர காரணம் என்ன?

குழந்தைகள் சாப்பிடும் உணவுதான் முதல் காரணம். சாக்லெட், பிஸ்கெட், கேக் போன்றவைதான் குழந்தைகளின் முக்கிய உணவாக உள்ளன. ஊட்டச்சத்து இல்லை என்றால் பார்வை பாதிக்கும். பிறகு, டி.வி., மொபைல் போன் பார்ப்பதும் காரணம். அதில் இருந்து வெளிப்படும் ஒளி, விழித்திரையை அதிகம் பாதிக்கிறது. ஆரம்பத்தில் கண்டுபிடித்து விட்டால், சரி செய்து விடலாம்.

கம்ப்யூட்டர், மொபைல் போன் பார்ப்பதால் பார்வை கோளாறு வருமா?

இதன் திரையை கூர்ந்து, நீண்ட நேரம் பார்ப்பதால், விழியில் ஈரம் உலர்ந்து விடும். விழித்திரையின் பருமன் குறையும். இதனால் கண்பார்வை மங்கி விடும். முன்பெல்லாம் கண்ணில் இந்த பிரச்னை உள்ளவர்கள் ஆண்டுக்கு ஒருவர் இருவர்தான் வருவார்கள். இப்போது மாதம் மூன்று நான்கு பேர் வருகின்றனர். இதில் பள்ளி, கல்லுாரி மாணவர்கள்தான் அதிகம். மொபைல் போன் வெளிச்சம், கண் நரம்புகள் மற்றும் மூளையை அதிகம் பாதிக்கும். வயதானால் சிரமம்.

தினமலர் WhatsApp Channel-ல் சேருங்கள்
Latest Tamil news, instantly on WhatsApp
Follow





      Dinamalar
      Follow us