மகளிர் தினத்தின் தொடக்கம் 20-ம் நூற்றாண்டின் முற்பகுதியில் அமெரிக்கா மற்றும் ஐரோப்பாவில் தொழிலாளர்களின் போராட்டத்திலிருந்து உருவானது. ஏறத்தாழ 15,000 பெண்கள் நியூயார்க் வீதிகளில் இறங்கிப் போராடினர். குறைவான வேலை நேரம், ஊதிய உயர்வு மற்றும் பெண்களுக்கு வாக்குரிமை ஆகியவையே அவர்களின் முக்கிய கோரிக்கைகளாக இருந்தன.: அமெரிக்காவின் சோசலிஸ்ட் கட்சி 1909 பிப்ரவரி 28 அன்று முதல் தேசிய மகளிர் தினத்தை அறிவித்தது. டென்மார்க் தலைநகர் கோபன்ஹேகனில் நடந்த உழைக்கும் பெண்களின் சர்வதேச மாநாட்டில், 'கிளாரா ஜெட்கின்' என்பவர் சர்வதேச அளவில் மகளிர் தினத்தைக் கொண்டாட வேண்டும் என்ற யோசனையை முன்வைத்தார். 17 நாடுகளைச் சேர்ந்த 100 பெண்கள் இதை ஒருமனதாக ஏற்றுக்கொண்டனர்.-ம் ஆண்டில் ஐக்கிய நாடுகள் சபை மார்ச் 8-ம் தேதியை அதிகாரப்பூர்வமாக 'சர்வதேச மகளிர் தினமாக' அங்கீகரித்து அறிவித்தது.

இன்று பெண்கள் விண்வெளி முதல் விளையாட்டு வரை அனைத்துத் துறைகளிலும் சாதனை படைத்து வருகின்றனர். இருப்பினும், அவர்கள் அன்றாட வாழ்வில் சந்திக்கும் சவால்கள் இன்னும் முழுமையாக மறையவில்லை.

ஒரே மாதிரியான வேலைக்கு ஆண்களை விடப் பெண்களுக்குக் குறைவான ஊதியமே பல இடங்களில் வழங்கப்படுகிறது. உழைப்பு சமமாக இருந்தாலும், ஊதியத்தில் நிலவும் இந்த இடைவெளி இன்றும் ஒரு பெரிய சவாலாக உள்ளது.

வீட்டிற்குள் மற்றும் பொது இடங்களில் பெண்களுக்கு எதிரான வன்முறைகள் இன்னும் தொடர்கின்றன. குறிப்பாக இணையவழித் தளங்களில் பெண்களுக்கு எதிராக நடக்கும் அச்சுறுத்தல்கள் புதிய கவலையை ஏற்படுத்தியுள்ளன.

வெளியே சென்று வேலை பார்க்கும் பெண்களும், வீட்டிற்கு வந்தவுடன் வீட்டு வேலைகளைச் செய்ய வேண்டிய கட்டாயத்தில் உள்ளனர். 'வேலைக்குச் செல்லும் பெண்' என்ற பிம்பம் உருவானாலும், வீட்டு வேலைகளைப் பகிர்ந்து கொள்வதில் சமநிலை இன்னும் வரவில்லை.பல பகுதிகளில் பெண் குழந்தைகளுக்கு உயர்கல்வி கிடைப்பதில் சிக்கல்கள் நீடிக்கின்றன. குடும்பச் சூழல் காரணமாகப் பாதியிலேயே படிப்பை நிறுத்தும் பெண்களின் எண்ணிக்கை இன்னும் கணிசமாக உள்ளது. குறிப்பாக, பிள்ளைகளைப் படிக்க வைப்பதற்காகவே கடும் வெயிலிலும் உழைக்கும் தாய்மார்களை நாம் இன்றும் சென்னை போன்ற நகரங்களில் காண்கிறோம்.

பெண் கல்வி ஒன்றே ஒரு சமூகத்தை மாற்றும் வலிமை கொண்டது. வேலையிடங்களிலும் வீட்டிலும் முடிவெடுக்கும் அதிகாரத்தில் பெண்களுக்குச் சமமான பங்கு அளிக்கப்பட வேண்டும். பெண்களுக்கு எதிரான குற்றங்களைத் தடுக்க கடுமையான சட்டங்களும், விழிப்புணர்வும் அவசியம்.

பெண்கள் வெறும் குடும்பத்தின் விளக்குகள் மட்டுமல்ல, அவர்கள் சமூகத்தின் தூண்கள். மகளிர் தினம் என்பது ஆண்டுக்கு ஒருமுறை மலர் கொடுத்துக் கொண்டாடுவது மட்டுமல்ல, ஒவ்வொரு பெண்ணுக்கும் பாதுகாப்பான, கௌரவமான மற்றும் சமமான வாழ்வை உறுதி செய்வதே அதன் உண்மையான நோக்கம்.

-எல்.முருகராஜ்

படம்:யுவராஜ்

.