தொழிற்சாலைகளில் மனிதர்களின் இடத்தை கொஞ்சம் கொஞ்சமாக ரோபோக்கள் ஆக்கிரமித்து வருகின்றன. சிங்கப்பூரில் செயற்கை நுண்ணறிவுத் தொழில்நுட்ப உதவியுடன், ஒரு ரோபோ நாற்காலியை உருவாக்குகிறது. மரக்கட்டைகளைக் கைகளால் தூக்கும் விதம், துல்லியமாக இறக்கப்படும் ஆணி, மரச்சட்டங்களைப் பொருத்தும் முறை என்று ரோபோ அசத்துகிறது. 8 நிமிடம் 55 நொடிகளில் நாற்காலி தயாராகிவிடுகிறது. இந்த ரோபோவுக்கு, முப்பரிமாண கண்கள், கைகளில் துல்லிய சென்சார்கள் பொருத்தப்பட்டுள்ளன. எதிர்காலத்தில், தானியங்கி விமானத் தயாரிப்பு தொழிற்சாலையில் இந்த ரோபோக்கள் பயன்படும்; அதற்கான முன்முயற்சி இது, என்றும் நயாங் தொழில்நுட்ப பல்கலைக்கழக விஞ்ஞானிகள் குழுவினர் தெரிவித்துள்ளனர்.