உள்ளடக்கத்திற்கு செல்ல

PUBLISHED ON : ஆக 29, 2016

அ நிறம் | அளவு
தவளை ஒன்று
தாமரை இலையில்
தித்தித் தோம் என ஆடுது
அதன்
ஆட்டம் பார்த்து
அசந்து போன
பட்டாம் பூச்சி பாடுது
பச்சைப் புல்லில்
மஞ்சள் பூக்கள்
மிச்சம் இன்றி சிரிக்குது
அங்கே
செக்கர் வானம்
சொக்கி மயங்கி
பக்கம் வரவே பார்க்குது
கண்ணைத் திறந்தால்
அன்னை இயற்கை
உன்னை ஈர்த்து மினுக்குது
அந்த
இயற்கை யால்தான்
இன்று வரைக்கும்
நமது குலமே சிறக்குது.
- ரமேச்சு
