வானம்வரை சுற்றுதிந்த ராட்டினம் - நம்

வயிற்றுக்குள்ளே நடக்குதொரு நாட்டியம்

கீழிருந்து கடைகள் எல்லாம் தெரிந்தது - பெட்டி

மேலே போக ஊர் முழுக்கத் தெரியுது

சிலுவை வைத்த ஏசு கோயில் பக்கமாய் - ராமர்

கோபுரமும் மசூதியும் நிற்குது

பள்ளிக்கூட சுற்றுச்சுவர் ஓரமாய் - ஒரு

தோல்வியுற்றோர் பயிற்சிக்கூடம் தெரியுது

நாயைத் துரத்திட்டு ஒருத்தன் ஓடுறான் - தாத்தா

ரோட்டைக் கடக்க வேறொருத்தன் உதவுறான்

கீழிருந்தால் கடையை மட்டும் பார்க்கலாம் - நாம்

மேலே போனால் நிறைய நிறைய பார்க்கலாம்

வானம்வரை சுற்றுகின்ற ராட்டினம் - நம்

மனசுக்குள்ளே நடத்தியது நாடகம்

- ரமேச்சு