அமெரிக்கப் பாடலாசிரியர், பாப் டிலனுக்கு, இலக்கியத்துக்கான நோபல் பரிசு அறிவிக்கப்பட்டுள்ளது. தத்துவம், அரசியல், சமூகம் சார்ந்த பாடல்களை பாப் டிலன் எழுதி, பாடி வருகிறார். அமெரிக்க கவிதை உலகில், அவர் புதிய நுட்பங்களை கையாண்டதற்காக, 2016ம் ஆண்டுக்கான நோபல் பரிசு வழங்கப்படுகிறது. இதற்கு முன்னர் கோல்டன் குளோப் (Golden Globe), கிராம்மி (Grammy), ஆஸ்கார் (Oscar) விருதுகளைப் பெற்றுள்ள பாப் டிலன், நாட்டுப்புற பாடகர், ஓவியர், எழுத்தாளர் என பன்முகத் திறமைகளை கொண்டவர். இப்போது அவர் வயது - 75!