நாசா குழுவினர், குட் இயர் (Good year) என்ற டயர் நிறுவனத்துடன் சேர்ந்து, புது வகையான சக்கரங்களை உருவாக்கினர். ரப்பர் இல்லாமல், காற்று நிரப்பப்படாத டயர்களைத் (Non- Pneumatic Tires) தயாரித்து சோதனைகள் நடந்தன. உலோகக் கம்பிகளால் பின்னப்பட்ட டயர்கள் நன்றாக உழைத்தன. ஆனால், கூரான பாறைகளில் ஏறி இறங்கியபோது, அவை வளைந்தன. இதற்குத் தீர்வாக, வடிவ நினைவு உலோகக் கலவை (Shape Memory Alloys) என்னும் பொருளைப் பயன்படுத்தினர். இந்த டயர்கள் கடுமையான நிலவுப் பரப்பிலும் சிறப்பாகச் செயற்பட்டன.

- ஹாலாஸ்யன்