உலகில் பல சுவாரசியமான சம்பவங்கள் நடந்து வருகின்றன. நீங்களும் அவற்றை நம் நாளிதழில் தினமும் படித்து வருவீர்கள். அதை வைத்து இங்கே கேட்கப்பட்டிருக்கும் கேள்விகளுக்குச் சரியான விடையைச் சொல்லுங்கள். விடை தெரியாதவர்கள் உடனே பதிலைப் பார்க்க முயற்சி செய்ய வேண்டாம். ஏற்கெனவே நீங்கள் படித்த சம்பவங்கள்தான் என்பதால், நினைவிலிருந்து யோசித்துக் கண்டுபிடியுங்கள்.

01. இந்திய மருந்துத் துறையில், ஆராய்ச்சி, கண்டுபிடிப்புகள் ஆகியவற்றை மேம்படுத்த, எவ்வளவு கோடி ரூபாய் மதிப்பிலான சிறப்புத் திட்டத்தை, மத்திய சுகாதாரத் துறை அமைச்சர் மன்சுக் மண்டவியா சமீபத்தில் அறிமுகப் படுத்தினார்?அ. ரூ.10,000 கோடி

ஆ. ரூ.3,000 கோடி

இ. ரூ.5,000 கோடி

ஈ. ரூ.6,000 கோடி

02. இந்தியன் ஆயில் கார்ப்பரேஷன் நிறுவனம் புதிதாக, இரு ஹைட்ரஜன் பேருந்துகளை அறிமுகப்படுத்தி உள்ளது. இந்தப் பேருந்துகளை, எந்த நிறுவனம் தயாரித்து வழங்கியுள்ளது?

அ. மகேந்திரா

ஆ. டாடா மோட்டார்ஸ்

இ. ஃபோர்ஸ் மோட்டார்ஸ்

ஈ. இந்துஸ்தான் மோட்டார்ஸ்

03. 2023ஆம் ஆண்டுக்கான சிறந்த சுற்றுலா கிராமமாக, தமிழகத்தில் உள்ள 'உல்லாடா' என்ற கிராமத்தை, மத்திய சுற்றுலா அமைச்சகம் தேர்வு செய்துள்ளது. இது, எந்த மாவட்டத்தில் அமைந்துள்ளது?

அ. நீலகிரி

ஆ. கிருஷ்ணகிரி

இ. கன்னியாகுமரி

ஈ. தர்மபுரி

04. தமிழகத்தில், அறநிலையத்துறை கட்டுப்பாட்டில் உள்ள கோயில்களில், ஏற்கெனவே ஐந்து பெண் ஓதுவார்கள் நியமிக்கப்பட்டுள்ள நிலையில், மேலும் எத்தனை ஓதுவார்கள் சமீபத்தில் நியமிக்கப்பட்டு உள்ளனர்?

அ. இரண்டு

ஆ. மூன்று

இ. ஐந்து

ஈ. நான்கு

05. பாரதிய ஜனதா தலைமையிலான தேசிய ஜனநாயகக் கூட்டணியில் இருந்து விலகுவதாக, எந்தக் கட்சி சமீபத்தில் அறிவித்தது?

அ. தி.மு.க.

ஆ. பகுஜன் சமாஜ்

இ. கம்யூனிஸ்ட்

ஈ. அ.தி.மு.க.

06. கம்ப்யூட்டர் கேமிங், காமிக்ஸ் கிராபிக்ஸ் உள்ளிட்ட அம்சங்களை, எந்தப் பாடத்திட்டத்தில் சேர்க்க, தமிழக அரசு திட்டமிட்டுள்ளது?

அ. கலை

ஆ. மருத்துவம்

இ. பொறியியல்

ஈ. இசை

07. சென்னை - திருநெல்வேலி உட்பட, 11 மாநிலங்களுக்கு இடையேயான எத்தனை, 'வந்தே பாரத்' ரயில்களின் சேவை, சமீபத்தில் தொடங்கி வைக்கப்பட்டது?

அ. பதினொன்று

ஆ. ஒன்பது

இ. பத்து

ஈ. எட்டு

08. ஆசிய விளையாட்டின், 19ஆவது சீசன் போட்டிகள், எந்த நாட்டில் உள்ள ஹாங்சு என்ற பகுதியில் நடந்து வருகின்றன?

அ. சீனா

ஆ. ஜப்பான்

இ. தாய்லாந்து

ஈ. பாங்காக்

விடைகள்: 1. இ, 2. ஆ, 3. அ, 4. இ, 5. ஈ, 6. இ, 7. ஆ, 8. அ.