செப்டம்பர் 24, 1861 - பிகாஜி காமா பிறந்த நாள்

இந்திய விடுதலைப் போராட்ட வீராங்கனை. பெண்களின் சுதந்திரம், வாக்குரிமைக்காகக் குரல் கொடுத்தார். இந்திய விடுதலைப் போராட்டங்களை வெளிநாட்டிலிருந்து இயக்கியவர்களில் முக்கியமானவர்.

செப்டம்பர் 25, 1899 - உடுமலை நாராயணகவி பிறந்த நாள்

கவிஞர், நாடக ஆசிரியர், நடிகர், சீர்திருத்தவாதி என, பன்முகத் திறமைகள் கொண்டவர். தனது எழுச்சிமிக்க பாடல்களால் மக்களிடம் தேசிய உணர்வை ஊட்டினார்.

செப்டம்பர் 27, 1980 - உலக சுற்றுலா நாள்

பொருளாதாரம், கலாசாரம், ஒற்றுமை உணர்வை மக்கள் மனத்தில் ஏற்படுத்த, ஐ.நா.வின் கீழ் இயங்கும் உலக சுற்றுலா அமைப்பு செயற்பட்டு வருகிறது. இந்த நாள் உலக சுற்றுலா நிறுவனத்தின் (WTO) ஆதரவில் கொண்டாடப்படுகிறது.

செப்டம்பர் 28, 1982 - அபினவ் பிந்த்ரா பிறந்த நாள்

துப்பாக்கி சுடும் வீரர். 2002ஆம் ஆண்டு காமன்வெல்த் போட்டியிலும், 2008இல் பீஜிங் ஒலிம்பிக்கிலும் தங்கம் வென்றார். ஒலிம்பிக் வரலாற்றில் தனி நபர் போட்டிகளில் தங்கம் வென்ற முதல் இந்தியர்.

செப்டம்பர் 28, 1907 - பகத்சிங் பிறந்த நாள்

இந்திய விடுதலைப் போராட்ட வீரர், புரட்சியாளர். நாட்டிற்காகப் போராடி மடிந்ததால், 'மாவீரன் பகத்சிங்' என அழைக்கப்பட்டார். விடுதலைப் போராட்ட உணர்வுகளை இளைஞர்கள் மனத்தில் விதைக்கக் காரணமாக இருந்தார்.

செப்டம்பர் 29, 2000 - உலக இதய நாள்

இந்த நாளின் முக்கிய நோக்கம் மாரடைப்பு வரும் முன் காப்பதும், வந்தபின் குணம் அடையச் செய்வதும்தான். உலக இதய அமைப்பு, உலக சுகாதார அமைப்பு, யுனெஸ்கோ போன்றவை இந்த நாளைக் கொண்டாடுகின்றன.