கல்வியுடன் விளையாட்டு, யோகா, தியானம் ஆகியவற்றுக்கும் முக்கியத்துவம் அளிக்கப்படுகிறது. டென்னிஸ், இறகுப்பந்து, கிரிக்கெட், கூடைப்பந்து உள்ளிட்ட விளையாட்டுகளில் மாணவர்கள் பயிற்சி பெறுகின்றனர். அறிவியல், இசை, ஓவியம், நடனம், நாடகம், கராத்தே, ரோபோட்டிக்ஸ் உள்ளிட்ட செயல்பாடுகள் மூலம் தனித்திறன்கள் வளர்க்கப்படுகின்றன.

ஜெர்மனி மற்றும் இங்கிலாந்து பள்ளிகளுடன் கலாசார பரிமாற்றத்தில் ஈடுபட்டு வரும் இப்பள்ளி, 2023ம் ஆண்டு ஜெர்மனி மாணவர்களை வரவேற்றது. 2025 செப்டம்பரில் இப்பள்ளியைச் சேர்ந்த 20 மாணவர்கள், இரண்டு ஆசிரியர்கள் ஜெர்மனிக்கு சென்று வந்தனர்.

மேட்டுப்பாளையம் ஓடந்துறை ஊராட்சிக்கு உட்பட்ட காந்திநகர் ஊராட்சி ஒன்றிய தொடக்கப் பள்ளியைத் தத்தெடுத்துள்ள நிர்வாகம், அதன் அடிப்படை வசதிகளை மேம்படுத்தி வருகிறது. இப்பள்ளி மாணவர்களின் முழுமையான வளர்ச்சிக்கு முக்கியத்துவம் அளிக்கிறது. கார்த்திகேயன், மயிலானந்தம் உள்ளிட்டோர் அடங்கிய ஆலோசனைக் குழு வழிகாட்டுதலில், முதல்வர் உமா மகேஸ்வரி, துணை முதல்வர் சக்திவேல், கல்விப்புல முதன்மையர் ஷீலா கிரேஸ் மற்றும் ஆசிரியர்கள் கல்விப் பணியை மேற்கொண்டு வருகின்றனர்.