இசையின் கவிதை மொழி அந்தரங்கமானது. ஆழமான கருத்தோட்டத்தை கொண்டது. வாழ்வின் எல்லா தருணங்களிலும், இசையின் கவிதை ஏதோ ஒன்று நினைவுக்கு நமக்கு வரும். நாம் கவனிக்க தவறிய எளிய விஷயங்களில் இருக்கும் பேரழகை, நமக்கு காட்சிப்படுத்தக் கூடியவை இவர் கவிதைகள்.

ஒவ்வொரு கவிதையை படிக்கும் போதும், அவரது தனித்துவமான கவிமொழி, புன்னகைக்க துாண்டும் சொற்கள், நிகழ்காலத்தின் சித்திரமாக தோற்றமளிக்கிறது. எளிமையான கவிதைகள் என்றாலும், அவை வெறும் செய்தியாகவோ, சம்பவங்களாகவோ இல்லை.

நல்ல கவிதைகளையும், அதை படைத்த கவிஞனையும் அவன் வாழும் காலத்திலேயே கொண்டாட வேண்டும். அந்த வகையில் இந்த தொகுப்பில் உள்ள இசையின் கவிதைகள் அனைத்தும் வாசகர்கள் வாசித்து கொண்டாட தகுந்தவை.