அபுதாபி: அபுதாபியில் அமீரக அரசால் அங்கீகரிக்கப்பட்ட அபுதாபி இந்தியன் இஸ்லாமிக் சென்டரின் தலைமை நிர்வாக குழுவும் அய்மான் சங்கத்தின் தலைவர் மற்றும் முக்கிய நிர்வாகிகள் சந்திப்பு நடைபெற்றது.

நிகழ்ச்சியில் அய்மான் சங்கத்தின் தலைவர் கீழக்கரை அல்ஹாஜ் ஹெச்.எம். முகம்மது ஜமாலுதீன் தலைமையில் அய்மான் பைத்துல் மால் தலைவர் அதிரை எ சாகுல் ஹமீது ஹாஜியார், நிர்வாக செயலாளர் ஆடுதுறை எம்.ஏ.கே. முஹம்மது அப்துல் காதர், விழா குழு செயலாளர் காயல் லப்பை தம்பி கலந்து கொண்டனர்.

நிகழ்ச்சியில் பல்வேறு விஷயங்கள் கலந்துரையாடப்பட்டன. எதிர்வரும் காலங்களில் ஒரு சில சமூகப் பணிகளை இணைந்து செயல்படுத்த முடிவெடுக்கப்பட்டது.

மேலும் அபுதாபி இந்தியன் இஸ்லாமிக் சென்டர் தலைவர் அல்ஹாஜ் பாவா ஹாஜிக்கு பொன்னாடை போற்றி கௌரவிக்கப்பட்டது உடன் பொதுச் செயலாளர் ஜனாப் ஹிதாயத்துல்லாஹ் உள்ளிட்ட முக்கிய நிர்வாகிகள் கலந்து கொண்டனர்.

சந்திப்பு நிகழ்வின் இறுதியாக இஸ்லாமிக் சென்டர் பொதுச் செயலாளர் ஜனாப் ஹிதாயத்துல்லாஹ் அய்மான் சங்கத்தின் தலைவர் மற்றும் அனைத்து உறுப்பினர்களுக்கும் ஈத் பெருநாள் வாழ்த்துக்களை தெரிவித்துக் கொண்டார்.

- நமது செய்தியாளர் காஹிலா