மோதீஷ்வர் மந்திர் என்பது ஓமானின் பண்டைய வரலாற்று முக்கியத்துவம் வாய்ந்த மஸ்கட் நகரின் முத்ரா (Muttrah) பகுதியில் அல் ஆலம் அரண்மனைக்கு அருகில் அமைந்துள்ள ஒரு பழமையான சிவன் கோவில். இது ஓமானில் உள்ள மிகச் சில ஹிந்து கோவில்களில் ஒன்றாகும். வளைகுடா நாடுகளில் அமைந்துள்ள மிகப் பழமையான ஹிந்து கோவில்களில் ஒன்றாகும்.

மோதீஷ்வர் மந்திர் 1892-_1909 காலப்பகுதியில் கட்டப்பட்டது. இதனை இந்திய வணிகர்கள், குறிப்பாக குஜராத்தைச் சேர்ந்த ஹிந்துக்கள் நிறுவினர். அந்த காலத்தில் மஸ்கட் - இந்தியா இடையே வணிகத் தொடர்புகள் வலுப்பெற்றிருந்தன. அவர்களின் ஆன்மிக தேவையை பூர்த்தி செய்யும் வகையில் இந்த கோவில் உருவாக்கப்பட்டது.

மோதீஷ்வர் மந்திர் முக்கோண அமைப்பில் கட்டப்பட்டுள்ளது. இதில் மூன்று பிரதான சன்னதிகள் உள்ளன: மோதிஷ்வர் மகாதேவ் (Shiva Mandir) - முக்கிய மூலஸ்தானம். ஹனுமான் சன்னதி - பக்தர்களால் விரும்பப்படும் பகுதி. நவராத்திரி/அம்மன் சன்னதி - பெண்கள் மற்றும் குடும்பங்களால் பெரிதும் வழிபடப்படும் இடம். கோவிலின் அமைப்பு எளிமையானது. ஆனாலும், கோவில் சுத்தம், ஒழுங்கு மற்றும் ஆன்மிக அமைதிக்காக புகழ்பெற்றது.

கோவிலில் தினசரி பூஜைகள் நடைபெறும். சிவராத்திரி, நவராத்திரி, வசந்த் பஞ்சமி, ராமநவமி, கணேஷ் சதுர்த்தி, ஹனுமான் ஜெயந்தி போன்ற பெருவிழாக்கள் விமர்சையாகக் கொண்டாடப்படுகின்றன. பகவத் கீதை, ருத்ரம், ஹனுமான் சாலிசா உள்ளிட்டவை தினமும் ஒலிக்கின்றன. மஹா சிவராத்ரியின் போது 20,000 க்கும் மேற்பட்ட இந்துக்கள் கோவிலுக்கு வருகை தருகிறார்கள்

இந்த கோவில் ஓமானில் வாழும் இந்தியர்கள், குறிப்பாக தமிழ், தெலுங்கு, குஜராத்தி, மராத்தி மக்களுக்கு ஆன்மிக ஒளியை வழங்கும் மையமாக திகழ்கிறது. கோவில் சமுதாயச் சேவைகளையும் ஏற்பாடு செய்கிறது, எடுத்துக்காட்டாக இரத்ததான முகாம்கள், மஹா பிரசாத விநியோகம், ஆன்மிக சொற்பொழிவுகள்.

இந்திய பிரதமர் நரேந்திர மோடி 2018 இல் சிவன் கோவிலில் அபிஷேகத்தை நிகழ்த்தினார். மஸ்கட் ஒரு பாலைவனமாக இருந்தாலும், கோயிலின் கிணற்றில் ஆண்டு முழுவதும் தண்ணீர் உள்ளது. கோவிலில் மூன்று அர்ச்சகர்கள் உள்ளனர்,

மோதீஷ்வர் மந்திர் Muttrah Souq அருகில் அமைந்துள்ளது. இது மஸ்கட் நகர மையத்தில், கடற்கரையை ஒட்டிய பகுதியாக இருக்கிறது. பேருந்து மற்றும் தனியார் வாகனங்களால் எளிதில் செல்லலாம்.

மோதீஷ்வர் மந்திர் என்பது ஓமானில் வாழும் ஹிந்துக்களுக்கு ஒரு ஆன்மிக அடையாளம் மட்டுமல்ல; அது பாரம்பரியம், நம்பிக்கை மற்றும் சமூக ஒற்றுமையின் ஓர் அழகிய கட்டமைப்பாகும். மஸ்கட்டுக்குச் செல்லும் ஒவ்வொரு இந்தியரும் இந்த கோவிலை ஒருமுறை பார்த்து வர வேண்டியது அவசியம்.

https://youtu.be/WiFj2Ocu23s