சிங்கப்பூர் எழுத்தாளர் மில்லத் அகமது எழுதி, தயாரித்து, இயக்கிய மீலாதுன் நபி என்ற நபிகள் நாயகத்தின் வாழ்க்கை வரலாற்று ஆவணப்படம் கடந்த வருடம் அக்டோபர் 31ஆம் தேதி தமிழக திரையரங்குகளில் வெளியீடு கண்டது. கடந்த மாதம் இப்படம் சிங்கப்பூரில் தணிக்கை செய்யப்பட்டு பிஜி 13 வகை சான்றிதழ் பெற்றது. வருகிற மார்ச் 28ஆம் தேதி, தமிழ் முஸ்லிம் ஜமாஅத்தின் மாணவர் கல்வி நிதிக்காக இரண்டு சிறப்பு காட்சிகள் திரையிடப்படுகிறது. பொதுமக்கள், மாணவர்கள் அனைவருக்கும் அனுமதி இலவசம்.

இப்படம் சிங்கப்பூரின் மத நல்லிணக்கம், அண்டை வீட்டாருக்கு உதவுதல், பின்தங்கிய மக்களுக்கு உதவுதல், பிரதிபலன் பார்க்காமல் சமூகத்திற்கு சேவை செய்தல், சமூக புரிதலை ஊக்குவித்தல் போன்றவை நபிகள் நாயகத்தின் போதனைகளோடு ஒத்துப்போகிறது. மேலும், இந்த ஆண்டு 75ஆம் ஆண்டு பவள விழா கொண்டாடும் எங்கள் தமிழ் முஸ்லிம் ஜமாஅத் மூலம் சிங்கப்பூரில் முதன்முறையாக இப்படத்தை வெளியிடுவதில் பெருமைப்படுகிறோம் என்று அமைப்பின் தலைவர் கௌஸ் மரைக்கார் கூறினார்.