ஜூன் 27 ஆனி 13: முகூர்த்த நாள். ராமநாதபுரம் கோதண்டராமர் உற்ஸவம் ஆரம்பம். ஸ்ரீவில்லிபுத்துார் பெரியாழ்வார் சந்திரபிரபை, கண்டனுார் மீனாட்சியம்மன் புறப்பாடு. திருத்தணி முருகன் கிளி வாகனம்.

ஜூன் 28 ஆனி 14: சிதம்பரம், ஆவுடையார்கோவிலில் சிவன் பவனி. ஸ்ரீவில்லிபுத்துார் பட்டர் பரங்கி நாற்காலியில் புறப்பாடு. ஸ்ரீரங்கம் நம்பெருமாள், திருவள்ளூர் வீரராகவர், மதுரை கூடலழகருக்கு திருமஞ்சனம்.

ஜூன் 29 ஆனி 15: சதுர்த்தி விரதம். திருக்கோளக்குடி ககோளபுரீஸ்வரர், கண்டதேவி சிவன் கோயிலில் உற்ஸவம் ஆரம்பம். மிலட்டூர் விநாயகர் புறப்பாடு. தேரெழுந்துார் ஞானசம்பந்தர் புறப்பாடு. மாணிக்கவாசகர் குருபூஜை.

ஜூன் 30 ஆனி 16: ஸ்கந்த பஞ்சமி. சமீகவுரி விரதம். திருநெல்வேலி நெல்லையப்பர், ராஜபாளையம் பெத்தநல்லுார் மாயூரநாதர் கோயிலில் உற்ஸவம் ஆரம்பம். மதுரை மீனாட்சி, திருப்பரங்குன்றம் முருகன் கோயிலில் ஊஞ்சல் உற்ஸவம் ஆரம்பம். அமர்நீதி நாயனார் குருபூஜை.

ஜூலை 1 ஆனி 17: குமார சஷ்டி. ஆனி உத்திர அபிஷேகம். சஷ்டி விரதம். திருநெல்வேலி நெல்லையப்பர் கற்பக விருட்ச வாகனம், அம்பாள் வெள்ளி கமல வாகனம். சிதம்பரம் சிவபெருமான் தேர்.

ஜூலை 2 ஆனி 18: முகூர்த்த நாள். நடராஜர் அபிஷேகம். ஆனி உத்திர தரிசனம். ராமநாதபுரம் கோதண்ட ராமர் திருக்கல்யாணம். சாத்துார் வெங்கடேசப்பெருமாள் உற்ஸவம் ஆரம்பம்.

ஜூலை 3 ஆனி 19: திருக்கோளக்குடி ககோளபுரீஸ்வரர், கண்டதேவி, கானாடுகாத்தான் தலங்களில் சிவனுக்கு திருக்கல்யாணம். ஸ்ரீவில்லிபுத்துார் பட்டர்பிரான் குதிரை வாகனம்.