ADDED : ஜூன் 08, 2016 11:56 AM

அ நிறம் | அளவு
பறக்கும் எம் கிள்ளைகாள் பாடும் எம் பூவைகாள்
அறக்கண் என்னத்தகும் அடிகள் ஆரூரரை
மறக்ககில் லாமையும் வளைகள் நில்லாமையும்
உறக்கம் இல்லாமையும் உணர்த்த வல்லீர்களே.
பொருள்: பறக்கும் கிளிகளே! பாடும் குயில்களே! தர்மத்தின் கண் என போற்றப்படுபவர் திருவாரூர் சிவபெருமான். அவரை மறக்க
முடியாததால் என் உடல் மெலிந்து வளையல்கள் கழன்று விழுகின்றன. தூக்கம் இல்லாமலும் தவிக்கும் என் நிலையை அவருக்கு எடுத்து சொல்லுங்களேன்.
குறிப்பு: சுந்தரர் தன்னை பெண்ணாக கருதி பாடிய தேவாரம்.
