வேதியா வேதகீதா விண்ணவர் அண்ணா என்றென்று

ஓதியே மலர்கள் துாவி ஒருங்கிநின் கழல்கள் காணப்

பாதியோர் பெண்ணை வைத்தாய் படர்சடை மதியம்சூடும்

ஆதியே ஆலவாயில் அப்பனே அருள்செயாயே.

(திருநாவுக்கரசர் தேவாரம்)

பொருள்: வேதியராகத் திகழ்பவரே! வேதங்களால் போற்றப்படுபவரே! விண்ணோர்களின் தலைவராக வணங்கப்படுபவரே! உன் திருவடிகளைத் தரிசித்து வாசனை மலர்களை துாவுகின்றோம். இடப்பாகத்தில் உமையவளை ஏற்றவரே! படர்ந்த சடையில் நிலவினைச் சூடியவரே! ஆதியாக வந்தவரே! ஆலவாயில் உறைபவரே! சிவனே! அருள்புரிவாயாக.