செல்வம் அருளும் க்ஷிப்ரப்ரஸாத கணபதி

எனில் இறைவனின் அருள் என்று பொருள். க்ஷிப்ர என்பதற்கு வி பிரசாதம் கே. பொருள். அடியார்கள் வேண்டுவதை விரைந்து தந்து அருள் செய்பவர் இ இதை உணர்த்தும் வகையில் இவர்தம் ஆறு திருக்கரங்களில் ஒன்றில், வி சிறப்புடைய கற்பகக் கொடியை ஏந்தியவராய், திருமுடியில் பிறைமத எழுந்தருளியிருக்கிறார்.



தியான சுலோகம்

த்ருதபாசாங்குச கல்பலதா ஸ்வதந்த ஸ்ச பீஜபூர யுத:

சசிசகல கலிதமௌளி: த்ரிலோசந அருணஸ்ச கஜவதந: |

பாஸுர பூஷண தீப்தோ ப்ருஹதுதர: பத்ம விஷ்ட ரோல்லஸித:

விக்ந பயோதர பவந: கரத்ருத கமலஸ் ஸதாஸ்து மே பூத்யை ||

பாசாங்குச - பாசம், அங்குசம் ஆகிய ஆயுதங்களையும்

கல்பலதா - கற்பகக் கொடியையும்

ஸ்வதந்த ஸ்ச - தனது ஒடித்த தந்தத்தையும்

பீஜபூரயுத: - மாதுளம் பழத்தையும்

த்ருத - தலையில் தாங்கியிருக்கிற

சசிசகல - பிறைத் துண்டத்துடன்

கலிதமௌளி: - விளங்குகின்ற திருமுடியை உடையவரும்

த்ரிலோசந: - முக்கண்ணரும்

அருணஸ்ச - சிவந்த நிறத் திருமேனியரும்

கஜவதந: - யானை முகம் கொண்டவரும்

பா'ஸுர - ஒளிவீசுகின்ற ரத்தினங்களால் ஆன

பூஷண - அணிந்துள்ள ஆபரணங்களால்

தீப்தோ - பிரகாசிப்பவரும்

ப்ருஹது'த'ர: - பெருவயிற்றை உடையவரும்

பத்ம - தாமரை மலராகிய

விஷ்டர - இருக்கையில்

உல்லஸித: - வீற்றிருப்பவரும்

விக்ந பயோதர - தடை எனும்

பவந: - மேகக் கூட்டத்தை விரட்டும் புயல் காற்றாய் உள்ளவரும்

கரத்ருத கமல: - கையில் ஏந்திய தாமரையை உடையவருமான இந்த கணபதியானவர்

ஸதா - எப்போதும்

மே - எனக்கு

பூத்யை - செல்வத்தை வழங்குபவராக

அஸ்து - விளங்கி இருக்கட்டும். (செல்வமளிக்கட்டும்).

பாசம்: உயிரின் ஆணவமலக் கட்டினை அகற்றுவதைக் குறிப்பது.

கற்பகக் கொடி: தேவலோக அதிசயமான கற்பகமரம் போல, அடியவர்களுக்கு வேண்டுவதை அருள்பவர் என்பதைக் காட்டுகிறது.

ஒடித்த தந்தம்: நிறத்தால் துாய்மையையும் ஆயுதமாக ஏந்தியதால் மனஉறுதியையும் கொண்டு, செயல்களை நிறைவேற்றுவதைக் காட்டுவது

அங்குசம்: புலனடக்கத்தையும் அகந்தையை ஒடுக்குவதையும் குறிப்பது.

மாதுளம் பழம்: இப்பழத்தின் விதை, படைப்பையும் ஒடுக்குவதையும் சுட்டுவது.

செந்தாமரை: ஞானம், ஆரோக்கியத்தை குறிப்பது.

பலன்: விரும்பிய பயன் விரைவில் கிடைக்கும்; தடை நீங்கும்; செல்வம் பெருகும்.



அருள் தொடரும்...

வியாகரண சிரோமணி வி.சோமசேகர குருக்கள்