* உன்னிடம் தீவிர நம்பிக்கை இருந்தால், நீ தேடுவது கிடைத்தே தீரும்.

* நீ செய்யும் வழிபாடு ஒருநாள் நிச்சயம் பலன் தரும்.

* ஆசையை அகற்றி உன் கடமையை செய்.

* முற்பிறவியில் நீ நடந்து கொண்டதற்கு ஏற்பவே, இந்தப்பிறவியில் எல்லாம் நடக்கிறது.

* பலன் கருதாமல் செய்யும் வேலையே உயர்வானது.

* அறிவு பலவீனமானது. நம்பிக்கை பலமானது.

* ஈரமுள்ள குச்சி தீப்பற்றாது. அதுபோல் ஆசை உள்ளவனுக்கு கடவுள் அருள் கிடைக்காது.

* நல்லவர்களுடன் பழகு. மனதில் நல்ல எண்ணம் உருவாகும்.

* பெண்கள் அனைவருமே அன்னை பராசக்தியின் அம்சம்.

* கடவுளின் அருள் இருந்தால் மட்டுமே, ஒருவர் அறியாமையில் இருந்து விடுபட முடியும்.

* தியானம் எளிதில் கைகூட உருவ வழிபாடு உதவும்.

* அமைதியாக இருப்பதே ஞானத்தின் முதல் அடையாளம்.

* எந்த நிலையிலும் கலங்காதவனே உண்மையான ஞானி.

* பொய் இருக்கும் இடத்தில் தீமைகள் இருக்கும்.

* பக்தி மார்க்கமே கடவுளை அடைய எளிய வழி.

* கடவுளை ஆராய்ச்சி செய்யாதே. அவர் திருவடியில் சரணடைந்து விடு.

* பசுவைத் தேடும் கன்று போல, கடவுளை காண மனம் ஏங்க வேண்டும்

* கற்பக விருட்சம் போல வாரி வழங்கும் வள்ளலே கடவுள்.

* ஒரு விஷயத்தை கேட்பதை விட நேரே காண்பது சிறப்பு.

* நல்லவர்களின் சேர்க்கையால் மனம் செம்மை பெறும்.

ஊக்கப்படுத்துகிறார் ராமகிருஷ்ணர்