* பக்தி மனதில் வேரூன்றினால் பகைவன் மீதும் அன்பு செலுத்தும் பண்பு வரும்.

* கடவுளைப் பூஜிப்பதால் மனம் துாய்மை அடைவதோடு புண்ணியமும் உண்டாகிறது.

* எந்த செயலையும் அதற்குரிய முறையோடு தான் செய்ய வேண்டும். அதுவே நியாயமான வழி..

* ஒவ்வொருவரின் பார்வைக்கும் நியாயம் வெவ்வேறானதாக தோன்றினாலும் பொது நியாயத்தைச் செய்வது நல்லது.

* சாப்பிடும் போது 'கருணையுடன் அன்னம் கொடுத்த கடவுளுக்கு நன்றி' என சிந்திப்பது நல்லது.

* பக்தியோடு உண்பதால் நல்லெண்ணம் வளரும். இந்த பழக்கம் நல்லவர்களாக வாழ்வதற்கு வழிவகுக்கும்.

* உலகிலுள்ள அனைத்தும் கடவுளுக்கு சொந்தமானது. நாம் அனுபவிக்கும் எல்லாவற்றையும் அவருக்கு சமர்ப்பித்த பின்னரே பயன்படுத்த வேண்டும்.

* உடலால் தீமை செய்வது போலவே, மனதால் தீமையைச் சிந்தித்தாலும் பாவமே.

* மனிதன் செய்யும் ஒவ்வொரு செயலுக்கும் விளைவு ஏற்பட்டே தீரும். இதை 'கர்ம கோட்பாடு' என்கிறோம்.

* அளந்து பேசினால் புத்தியில் தெளிவும், வாக்கில் பிரகாசமும் உண்டாகும்.

* மவுனமாக இருந்தால் கலகம் உண்டாகாது.

* அன்றாடம் கடவுளைத் தியானம் செய்யப் பழகினால், பாவ விஷயங்களில் மனம் ஈடுபடாது.

* கல்வியை பணிவுடன் மாணவன் கற்க வேண்டும். பணிவு இல்லாத கல்வியால் பயன் உண்டாகாது.

* கடவுளின் இருப்பிடமான மனதைப் பாதுகாக்க தியானம் செய்யுங்கள்.

சொல்கிறார் காஞ்சிப்பெரியவர்