* ஒழுக்கம் இருக்கும் ஒவ்வொரு துறையும் அழகாக இருக்கிறது. இதனால் தான் பழங்காலச் சிற்பங்கள், சித்திரங்கள், எழுத்து உட்பட அனைத்தும் ஒழுங்காக, அழகாக இருக்கின்றன.

* நாம் நல்லது செய்தால் ஈஸ்வரன் நமக்கு கைகொடுப்பார். அவர் நமக்குக் கை, கால், கண், ஆலோசிப்பதற்கு புத்தி கொடுத்திருக்கிறார். இந்த சக்தியும் புத்தியும் இருக்கும்போதே, திருந்துவதற்கான நல்ல செயல்களை செய்ய வேண்டும்.

* எக்காலமும் நமக்கு உறவாக இருந்து உதவி செய்பவன் அம்மையப்பன். அவனைவிட உலகில் நமக்கு வேறு உறவு இல்லை.

* தினமும் ஆயிரம் முறை கடவுள் நாமாவை கூறினால், நம்முடைய வாழ்க்கைக்கு பெரிதும் உதவியாக

இருப்பதுடன், இடைஞ்சல் வராமலும் காக்கும்.

* குடும்பப் பொறுப்புகளை கவனிப்பது முதல்பணி. அடுத்து, பொதுஜனங்களுக்கும் பணியாற்றி புண்ணியம் சம்பாதிக்க வேண்டும்.

* கட்டுப்பாடு இருந்தால் தான் முன்னேற முடியும், கட்டுப்பட்டு நடப்பதற்கு அடக்கம் வேண்டும், அகங்காரம் போனால் தான் அடக்கம் வரும்.

-காஞ்சிப்பெரியவர்