* சமூக சேவையும், தெய்வப்பணியும் கைகோர்த்து நடப்பதுடன், தெய்வத்தின் அனுமதியுடன் தேசப்பணி செய்ய

வேண்டும்.

* ஆசைகளை விடுவது முதலில் சிரமமாக இருக்கும், அம்பாளை வேண்டி அவளுடைய அருள் பலத்தால் தேறித் தெளிந்து வெற்றி பெற்ற பிறகு தான் எளிய வாழ்க்கையில் எத்தனை நிம்மதி இருக்கிறது என்பது தெரியும்.

* நம்முடைய சாஸ்திரங்களும், புராணங்களும் தாய் மொழியிலும், சமஸ்கிருதத்திலும் இருப்பதால் குறையில்லை, அவற்றில் ஒரு ருசியை ஏற்படுத்திக் கொண்டால் நாளெல்லாம் படித்தாலும் போதாமல், ஆயுள் உள்ள வரை படித்துக் கொண்டு சந்தோஷமாக இருக்கலாம்.

* கட்டி போட்டுவிட்டாள் என்று குற்றம் சொல்கிறோம், குழந்தை மண்ணைத் தின்னப் போகிற மாதிரி, நாம் பழைய தவறுகளை செய்யாமல் இருக்க கஷ்டம் என்ற கட்டை ஜெகன்மாதா போட்டிருக்கிறாள்.

* வைரத்திலும், பட்டிலும் பெண்களுக்கு ஆசை போய்விட்டால் குடும்ப வாழ்க்கையும், சமூக வாழ்க்கையும் மட்டுமில்லாமல் பெண் தர்மமே பிழைத்து விடும்.

-காஞ்சிப்பெரியவர்