* ஒருவன் தன் கையால் உழைப்பதும் மோசடி செய்யாமல், பொய் பேசாமல் ஒருவன் நடத்தும் வாணிபமும் தான் யாவற்றிலும் சிறந்த சம்பாத்தியம்.

* பணியாளர்களுக்கு உபசரியுங்கள். நீங்கள் உண்பதிலிருந்து அவர்களுக்கும் உணவு அளியுங்கள்.

* தந்தை தன் பிள்ளைக்கு அளிக்கும் மாபெரும் பரிசு நல்லொழுக்கமே.

* உங்களிடம் கண்ணியத்துடன் நடந்து கொள்வது உங்கள் குழந்தைகளின் கடமை; உங்கள் குழந்தைகளைச் சமமாக நடத்துவது உங்களின் கடமை.

* ஏழைகளுக்கு தானம் வழங்கினால் ஒரு நன்மை கிட்டும், உறவினர்களுக்கு தானம் வழங்கினால் இரண்டு நன்மைகள் கிட்டும். ஒன்று, தானம் வழங்கியதற்காகவும், மற்றொன்று உறவுகளை இணைத்ததற்காகவும்.

* மண்ணிலுள்ள மனிதர்களை நீங்கள் நேசித்தால், விண்ணிலுள்ள இறைவன் உங்களை நேசிப்பான். நீங்கள் அன்பு செலுத்தாதவரை இறை நம்பிக்கையாளர்களாக முடியாது.

- வேதவரிகளும் தூதர் மொழிகளும் நூலில் இருந்து