* (இறைவனின் அடியார்கள்) இறைவனின் மீதுள்ள அன்பினால் வறியவருக்கும், அநாதைக்கும், கைதிக்கும் உணவளிக்கின்றார்கள். (மேலும் அவர்களிடம் கூறுகின்றார்கள்) ''நாங்கள் இறைவனுக்காகவே உங்களுக்கு உணவளிக்கின்றோம். நாங்கள் உங்களிடமிருந்து எந்த பிரதிபலனையும் நன்றியையும் எதிர்பார்க்கவில்லை''.

* இருப்பதைக் கொண்டு திருப்தி கொள்; அதுவே என்றும் அழியாத செல்வமாகும்.

* செல்வ வளம் என்பது அதிக செல்வத்தைப் பெறுவதல்ல. போதுமென்ற மனதைப் பெறுவதே உண்மையான செல்வமாகும்.

* இறைவனின் (உண்மையான) அடியார்கள் எத்தகையவர்களெனில், அவர்கள் பூமியில் பணிவோடு நடப்பார்கள். அறிவீனர்கள் அவர்களுடன் முறைகேடாக உரையாடினால் 'உங்களுக்கு சாந்தி உண்டாகட்டும்' என்று கூறிவிடுவார்கள்.

* அநீதி இழைக்கப்பட்டவனைத் தவிர வேறு யாரும் தீங்கான சொற்களை வெளிப்படையாகப் பேசுவதை இறைவன் விரும்புவதில்லை. ஆனால், நீங்கள் வெளிப்படையாகவும் மறைவாகவும் நற்செயல்கள் செய்த வண்ணம் இருங்கள், அல்லது குறைந்த பட்சம் (அநீதியானவர்களின் தீங்கை) மன்னித்துவிடுங்கள்.

வேதவரிகளும் தூதர் மொழிகளும் நூலில் இருந்து