<P>&nbsp;* பிறர் என்ன செய்கின்றனர் அல்லது செய்யவில்லை என்பதை மதிப்பிடுவதில் உன் நேரத்தைக் கழிக்காது உன் மன அழுக்கினைப் போக்கி தூய்மைப் படுத்தும் பணியில் ஈடுபடுவது சிறந்தது. <BR>* வாழ்வில் உண்டாகும் துன்பங்களைக் கண்டு கலங்காதீர்கள். நம் துன்பங்களைப் போக்கி, அனைத்தையும் சீராக்கும் பெரிய சக்தியாகிய ஆண்டவனிடம் நம்பிக்கை வையுங்கள். அவன் ஒருபோதும் நம்மை கைவிடுவதில்லை. <BR>* மவுனம் காப்பது மிகவும் நல்லது. பேச்சுக் கொடுத்தால் பத்தில் ஒன்பது முறை நம் அறியாமையையே வெளிப்படுத்துகிறோம். ஆனால், மவுனத்தில் தீங்கு என்பதே சிறிதும் கிடையாது.<BR>* ஒருவன் தன்னைத் தான் ஆளக் கற்றுக் கொள்ள வேண்டும். இல்லாவிட்டால் நம் துன்பங்களையும் வேதனைகளையும் போக்க முடியாது. தன்னை அறிந்த ஒருவனால் மட்டுமே பிறருக்கு வழிகாட்டவும் முடியும்.<BR>* உன் பணியை மனப்பூர்வமாக இறைவனிடம் அர்ப்பணித்தால் தியானம் செய்வதால் கிடைக்கும் நலன்கள் அனைத்தையும் பெற முடியும்.<BR>* பயத்தை விட்டொழியுங்கள். அச்சம் கேட்டை விளைவிக்கும். அச்சமற்றவனுக்கே வெற்றியை எட்டிப் பிடிக்கும் ஆற்றல் உண்டாகும். </P>