'ராக்கெட்' செயல்படும் விதம்

விண்வெளியில் செயற்கைக்கோளை நிலைநிறுத்த ராக்கெட் பயன்படுகிறது. ஒவ்வொரு வினைக்கும் அதற்கு இணையான எதிர்வினை உண்டு என்ற நியூட்டனின் மூன்றாம் விதிதான், ராக்கெட் தத்துவத்தின் அடிப்படை. எனவே ராக்கெட் கொதிகலனில் எரிபொருள் எரிந்து அதன் நாசி எனும் வெளிப்போக்குக் குழாய் வழி வெளியேறும்போது அதற்கு எதிர்திசையில் ராக்கெட் மீது உந்தம் ஏற்பட்டு எழும்பி செல்கிறது. இது நேராக மேல்நோக்கிச் செலுத்துவது போல தோன்றும். ஆனால் வளைவான பாதையில் செலுத்தினால்தான் செயற்கை கோளை பூமியை சுற்றும்படி நிலைநிறுத்த முடியும்.